والمجلس اللي يزعجك لا تمره خله تراك بشوفته منت مجبور

[أبوحسام]

لآضاق صدرك عالي الصوت جره
لو كان قلبك ما يطاوعك مسرور

دنياك لو تسوى من الحِزن ذرّه
ما كان تاليها توابيت وقبور

وما كان للكافر بعمره مسره
وما شفت في ملكه ملايين وقصور

العمر يمضي بين حلوه ومره
والموت حق وقابض الروح مأمور

دام الحياه الفانية مستقره
ورزقك يجيك وبين الأجواد مستور

لا تنشغل بالوقت برده وحره
واحذر تصير بقسمة الناس مقهور

وحكم القدر لاجاك خيره وشره
أشكر عظيم الشان والذنب مغفور

والمجلس اللي يزعجك لا تمره
خله تراك بشوفته منت مجبور

والرجل سقها في صحاصيح بره
ومد النظر ما بين ريضان وزهور

لا صار وجه القاع ما فيه جره
والمشي حافي والثرى تو ممطور

ساعات صمتٍ ما وراها مضره
تسوى الكلام اللي به إذنوب وإشرور

أطلق خيالك وأترك النفس حره
وخل الطبيعه في حياتك لها دور

وبالليل لا بانت نجوم المجّره
أذكر بديع الخلق بـِ إحـساس وشعور

واسجد لرب الكُون مره ومره
وإحفظ لسانك وأترك الكذب والزور

وفروض ربك خلها مستمره
وطاعتك لا يدخل بها نقص وقصور
وطاعتك لا يدخل بها نقص وقصور

[@ صمتي لغتي@]

الله عليك ابداع حكم ومواعض قصيده فيها كنوز من النصائح
لاهنت على الاختيار
يعطيك الصحه والعافيه يارب

[دمعة ندم]

تسلم يابوحسام على هذا الذوق الرائع وماهي غريبه عليك

[¬‘β3đк - ăℓℓℓm «¬]

الله يعطيك العااااااااافيه

[برستــيج شملانيه]

انتقاء اكثر من رائع
مو غريبه عليك يعطيك العافيه

[ღ شًقإآوُ وُة طَفْلـهُ ღ]

مرررررره روووووووعه
الله يعطيك العااافيه ع النقل

[أبوحسام]

أشكر كل من مر وعطر متصفحي

[عز الخوي]

قصيدة غاية في الروعة واختيار موافق تسلم ابو حسام