انت وبس
05-08-2009, 01:03 PM
جيت إمتأخر وتنشدني عن إسكاتي
إن كنت نايم نصيحة كمّل النومة
إسمع الى مايلي أو اسمع الاتي
بس المهم انها توصلك معلومه
المشكله جيتني بآخر نهاياتي
منهار ماعاد بي شدة على القومة
اقوم واطيح واجمّع تشتاتي
شف فعل الايام باعلى الوجه مرسومة
جارت علي السنين وريحها العاتي
اشتالت الورد مع شيحة وقيصومه
تكدر الصفو وانكشفت ملفاتي
وتعبت من قولة ( الطقه بتعلومة )
الحزن يطغى على حلو ابتساماتي
ولا زلت افكّر بعلو طويق وارجومة
ما زلت شامخ وتعجبني بداياتي
طموحي اعلى من المشراف والحومة
وش رجعك؟ منهو اللي قالك تاتي
المسأله طافت الشرهات واللومة
واليوم راجع وتنشدني عن اسكاتي
اقولك شي ....... روح وكمّل النومة
إن كنت نايم نصيحة كمّل النومة
إسمع الى مايلي أو اسمع الاتي
بس المهم انها توصلك معلومه
المشكله جيتني بآخر نهاياتي
منهار ماعاد بي شدة على القومة
اقوم واطيح واجمّع تشتاتي
شف فعل الايام باعلى الوجه مرسومة
جارت علي السنين وريحها العاتي
اشتالت الورد مع شيحة وقيصومه
تكدر الصفو وانكشفت ملفاتي
وتعبت من قولة ( الطقه بتعلومة )
الحزن يطغى على حلو ابتساماتي
ولا زلت افكّر بعلو طويق وارجومة
ما زلت شامخ وتعجبني بداياتي
طموحي اعلى من المشراف والحومة
وش رجعك؟ منهو اللي قالك تاتي
المسأله طافت الشرهات واللومة
واليوم راجع وتنشدني عن اسكاتي
اقولك شي ....... روح وكمّل النومة