سيرة البدر(الأمير:بدر بن عبد المحسن)※ قصائد [الأرشيف]

عبدالمحسن الشملاني

06-24-2010, 03:50 PM

سيرة البدر(الأمير:بدر بن عبد المحسن)※ قصائد (http://www.q3r3.com/vb/340.html)

http://www.kwales.com/ex/data/thumbnails/5/yFu37356.gif (http://www.q3r3.com/vb/340.html)

! حـــياة البـــدر !

بدر بن عبد المحسن بن عبد العزيز من مواليد مدينة الرياض في 2 ابريل عام 1949، و هو الإبن الثاني لصاحب السمو الملكي الأمير عبد المحسن بن عبد العزيز - رحمه الله - .

http://www.elbader.net/life/images/p_mehsen.jpg (http://www.q3r3.com/vb/340.html)

تولى والده سمو الأمير عبد المحسن بن عبد العزيز إمارة المدينة المنورة في ربيع الثاني عام 1385 هـ، وخطت المدينة في عهده خطوات واسعة نحو التقدم والتوسع العمراني، وكان لين الجانب لأهل المدينة، حريصاً على لقائهم ومجالسة وجوههم.

ومما يذكر من نجدته أنه بعد تسلمه الإمارة بفترة وجيزة؛ انهارت عمارة في شارع المناخة، فسارع إلى الموقع، وأمر بضرب الخيام في المنطقة، وأقام فيها أكثر من أسبوعين، يشرف بنفسه على عملية إزالة الأنقاض واستخراج الأحياء والمصابين.

وكان طوال مدة إمارته حريصاً على متابعة الأمور في مواقعها، إلى أن داهمه المرض واشتد عليه، فنقل إلى مستشفى الملك فيصل في الرياض عام 1402 هـ، حيث وافاه الأجل المحتوم عام 1405 هـ،
وقد رثاه البدر بقصيدة ( غزوك يا شيخ انكف ).

و والدة الأمير بدر بن عبد المحسن هي الأميرة وضحى الحمود الرشيد - رحمها الله - .

و له من الإخوان كل من :

- سمو الأمير سعود بن عبد المحسن بن عبد العزيز أمير منطقة حائل.
- سمو الأمير وليد بن عبد المحسن بن عبد العزيز.
- سمو الأمير فيصل بن سعد بن عبد العزيز.
- سمو الأمير عبد العزيز بن سعد بن عبد العزيز نائب أمير منطقة حائل.

و له سبع أخوات .

و له ثلاثة أبناء هم :

- سمو الأمير خالد بن بدر بن عبد المحسن بن عبد العزيز .
- سمو الأمير سلطان بن بدر بن عبد المحسن بن عبد العزيز .
- سمو الأمير سعود بن بدر بن عبد المحسن بن عبد العزيز .

و له عشر بنات و هن

- سمو الأميرة نوره بنت بدر بن عبد المحسن بن عبد العزيز.
- سمو الأميرة لمى بنت بدر بن عبد المحسن بن عبد العزيز.
- سمو الأميرة العنود بنت بدر بن عبد المحسن بن عبد العزيز.
- سمو الأميرة صيته بنت بدر بن عبد المحسن بن عبد العزيز.
- سمو الأميرة بسمه بنت بدر بن عبد المحسن بن عبد العزيز.
- سمو الأميرة لين بنت بدر بن عبد المحسن بن عبد العزيز.
- سمو الأميرة سلمى بنت بدر بن عبد المحسن بن عبد العزيز.
- سمو الأميرة مشاعل بنت بدر بن عبد المحسن بن عبد العزيز.
- سمو الأميرة الجوهرة بنت بدر بن عبد المحسن بن عبد العزيز.
- سمو الأميرة وضحى بنت بدر بن عبد المحسن بن عبد العزيز.

حفظهم الله جميعا.

^

^

^
يتبع

عبدالمحسن الشملاني

06-24-2010, 03:52 PM

نشأ الأمير بدر بن عبدالمحسن في بيت علم وأدب حيث كان والده الأمير عبدالمحسن بن عبدالعزيز - رحمه الله -

محباً للعلم والأدب، كما و انه شاعر مبدع ولديه مكتبة ضخمة تضم العديد من الكتب كما أن مجلس والده - رحمه الله - مليء بالعلماء والأدباء وكبار المفكرين في ذلك الوقت مما كان له الأثر البالغ - بعد الله - في حب الأمير بدر للأدب والشعر.

درس مراحله الإبتدائية بين المملكة العربية السعودية و مصر، والمتوسطة في مدرسة الملكة فكتوريا في الاسكندرية، ودرس المرحلة الثانوية في المملكة العربية السعودية .. كما انه درس في بريطانيا ( لندن ) و في الولايات المتحدة الأمريكية.

و لقد استفاد من وجوده في بعض هذه البلدان بلقاءاته مع العديد من الرواد والأدباء و المفكرين و عمالقة الفن من أمثال الشاعر أحمد رامي ، محمد عبد الوهاب ، محمد الموجي ، عبد الحليم حافظ و كثيرين غيرهم.

و في نهاية الستينيات و مطلع السبعينات أصبح سموه رئيسا للجمعية السعودية للثقافة و الفنون حيث اضفى عليها العديد من الأفكار وكان لسموه الأثر الكبير في تطوير هذه الجمعية و الرقي بها.

أقام سمو الأمير بدر العديد من الأمسيات و كان أولها الأمسية التي اقيمت في نادي الإتحاد بجدة ، و تتابعت بعد ذلك الأمسيات واحدة تلو الأخرى و منها على سبيل المثال امسيات سموه في البحرين ، الإمارات ، الكويت ، و العديد من الأمسيات داخل المملكة العربية السعودية

غنى له العديد من المطربين، على المستوى المحلي و على المستوى العربي و أبرز من غنى له الفنان طلال مداح ، محمد عبده ، عبادي الجوهر ، عبدالمجيد عبدالله ، عبد الكريم عبد القادر ، نجاة الصغيرة ، خالد الشيخ، عبد الرب ادريس، عبدالله الرويشد و العديد من الفنانين الاخرين.
7
7
7

صور للبـــدر وبعض من أفراد عائلته

7

7

http://sub3.rofof.com/img3/010vmfuj11.jpg (http://www.q3r3.com/vb/340.html)

http://www.elbader.net/gallery/big/2000_16.jpg (http://www.q3r3.com/vb/340.html)

http://sub3.rofof.com/img3/010opngr11.jpg (http://www.q3r3.com/vb/340.html)

http://sub3.rofof.com/img3/010fsdya11.jpg (http://www.q3r3.com/vb/340.html)

http://sub3.rofof.com/img3/010zmnph11.jpg (http://www.q3r3.com/vb/340.html)

http://sub3.rofof.com/img3/010azmhf11.jpg (http://www.q3r3.com/vb/340.html)

عبدالمحسن الشملاني

06-24-2010, 03:54 PM

البدر وابنه الامير خالد بلباس العرضه

http://www.elbader.net/gallery/big/2000_7.jpg (http://www.q3r3.com/vb/340.html)
سمو الأمير خالد بن بدر بن عبدالمحسن بن عبدالعزيز
http://sub3.rofof.com/img3/010tibxg11.jpg (http://www.q3r3.com/vb/340.html)
حفيد البدر الأمير خالد بن محمد بن خالد بن عبدالله بن محمد بن عبدالرحمن
http://sub3.rofof.com/img3/010iwvdg11.jpg (http://www.q3r3.com/vb/340.html)
حفيد البدر الأمير عبدالله بن سعود بن محمدبن سعود الكبير
http://sub3.rofof.com/img3/010bervw11.jpg (http://www.q3r3.com/vb/340.html)
حفيدةالبدرالأميرةهيا بنت محمدبن خالدبن عبدالله بن محمدبن عبدالرحمن
مرسم البـــــدر
7
7
هنا بعض مما رسم الأمير ..

http://www.elbader.net/marsam/big_images/5.jpg (http://www.q3r3.com/vb/340.html)

http://www.elbader.net/marsam/big_images/3.jpg (http://www.q3r3.com/vb/340.html)

http://www.elbader.net/marsam/big_images/4.jpg (http://www.q3r3.com/vb/340.html)

http://www.elbader.net/marsam/big_images/2.jpg (http://www.q3r3.com/vb/340.html)

http://www.elbader.net/marsam/big_images/11.jpg (http://www.q3r3.com/vb/340.html)

http://www.elbader.net/marsam/big_images/1.jpg (http://www.q3r3.com/vb/340.html)
7
7
7
يتبع

عبدالمحسن الشملاني

06-24-2010, 03:56 PM

من أقوال البـــدر
7
7
في الــوطنـ :

الرمال بدو الطبيعة00
والبدو رمل البشر
وكلاهما يتحرك ضمن وطن00
ويعشق ضمن أحاسيس00
ويتغير ضمن أخلاق0

في الأسماء :

[ 1 ]

عبد العزيز 00 هو الأمير 00 والإمام 00 والشيخ 00 والملك 00 والغريب أنه لم يطلق
على نفسه أياً من هذه الألقاب0
هذا القائد وحّد أجزاء مملكته دون أن يفكر في إطلاق اسم عليها 00 أو لقب
يخصه شخصيا 00 وأتخيل أن مستشاريه اقترحوا عليه مسميات لهذه المملكة
ومسميات له شخصيا 00 ووافق هو على ما اتفقوا عليه 00 باختصار اعتقد أن
عبد العزيز بن عبد الرحمن الفيصل آل سعود خلق ليقوم بهذا الدور وليصنع هذا
الإنجاز العظيم00 خلقه الله سبحانه ليعلي كلمته ويوحد هذا الجزء الغالي من
بلاد المسلمين0

[ 2 ]

أمي .. تعـتـقـد انني شاعـر عـظيـم ( وكل أم تعـتـقـد ان ابنها عـظـيم بشـكـل ا و بآخـر)
يـكــفي ان جــدي .. عـبـيـد العـلـي الـرشـــيــد .. وخـالي .. ضـاري .. وقـد ورثـت ...
وعـنـدمـا أ قـول .. ا نـتـي مـثـل قـمـرا عـلى صـفـحـة الـمـا..
لـه صـورة عـنــدي وهـي في السـمـا فـوق...
لـه.. تعـني ان للـسـناعـيـس مـن دمـي قـسـط وافـر.. وا نـها محـقـه في اعـتـقـادهــا
أن جـدهـا .. عـبـيـد .. فــارس وشــاعــر عــظـيـم ...

في العشقـ :

[ 1 ]

عندما يحدثني أصدقائي 00 عن قصص العشق 00 أشعر بأني سأذج 00
ليس هناك قمر 00 أو شباك 00 أو شجرة لوز00
ولا حتى شعر 00 فيما يروونه لي من قصص!
وأنا لا أتحدث كثيرا 00 عما في قلبي 00
ولا أجيد الكذب00
ولا أزال أنظر إلى السماء بالعين المجردة00
وأعتقد أن الزهور كانت موجودة قبل الحدائق00
وأن الوصال00 يكتمل أحيانا بالنظر00
وأن لحروف الحب رائحة النعناع00
وطعم الرطب الناضج
أشعر أني ساذج 00 لأنني لا أراك بما يكفي 00
وأحيانا00 لا أراك بما لا يكفي00

[ 2 ]

كلمات الحب:
النبات 00 حب
ينشأ بين البذرة والريح00
والريح والرمل00
والرمل والمطر00
شبيه بحبنا00 نحن البشر00
الريح لاتختار أي بذرة تحمل00
والبذرة لا تفكر في أي رمل تسكن00
والمطر لا يهتم إن تساقط على وادي 00 أو رابية00
ونحن نهتم 00 ونفكر00 ونختار00
لماذا00 برب العباد00
لا نحب مثل النبات00؟
قالها العجوز00 قالها ثم مات00

في أشياء أخرى :

[ 1 ]

أكبر تحد يواجهنا في المستقبل00 أننا كبشر مهددون بالجوع والعطش
والاختناق00 حاول أن تقتصد في الأكل والشرب والتنفس00

[ 2 ]

أعياني الجدل00 مع محب00 وكاره00
ومن أنصفته العقول 00 كثيرا لاتظلمه العواطف
وأعياني أن لا يجد بي المحب ملاكا00
والكاره شيطاناً00
وأعترف بآدميتي 00 فينكر الجميع سقوطي00 وشموخي00

[ 3 ]

أعيتني الكتابة فيما لا أحب00 فمتى أكتب ما أحب ؟
7
7
7

أجمل ماقيل في البدر
7
7
ماذا قال الشعـراء :

الأمير عبد الرحمن بن مساعد

- بدر بن عبدالمحسن شاعر لا ينافس إلا نفسه .
- البدر كبيرنا الذي علمنا الشعر
- بدر بن عبد المحسن أكثر شاعر احترمه و هو الشاعر الوحيد الذي لا يغضبني أبدا ان اكون تلميذا صغيرا له. أحس انه أول أساتذتي و أخرهم

الأمير فهد بن خالد بن عبدالله بن محمد آل سعود

- خالي الأمير بدر بن عبدالمحسن تربيت بين أحضانه ، وارتويت بمياه شعره
لفترات طويلة خاصة في صغري بجانب أخي محمد بن خالد وقد أفادتني تجاربهم نهلت من إبداعاتهم الشعرية كثيرا .
- الأمير بدر هو الشاعر الذي أقف طويلا عند قصائده .. إذ أجدفي كل قصيدة له شعرا جديدا فقصائده لا تتكرر.

الأمير خالد الفيصل بن عبد العزيز آل سعود

تجربة بدر بن عبدالمحسن ناجحة الى ابعد الحدود وتشهد الجماهير الغفيرة المتذوقة لشعر سمو الأمير بدر بشاعريته وابداعه

الأمير نواف بن فيصل بن فهد [ أسير الشوق ]

الأميران خالد الفيصل وبدر بن عبدالمحسن مدرستان كبيرتان لأي شاعر أن ينهل من عطاءاتهما.

^
^
^
^
يتبع

عبدالمحسن الشملاني

06-24-2010, 03:57 PM

ماذا قال الأدباء :

عبدالرحمن الحمدان

التفت دوما للشاعر الكبير بدر بن عبدالمحسن بحبور وانشداد ، فهو أعطى الشعر كل حياته مخلصا لهذا الفن ، ولم ار مثله رومانسيا احب الشعر والحياة بجنون كما لو انه بدوي يجول في البرية بسيفه وسرج حصانه وشملته فارسا عنيدا في محيط اجتماعي للتو دخل الحياة
المدنية فأخذ ينشد الحرية والروحانية وسحر البراءة الأولى .. في ذاكرة الصحراء..

علي المسعودي

بدر بن عبد المحسن لا يمثل وهو يلقي ولا يحاول الإنفعال ولا يستحضر الحلم ..أو متطلبات المنبر بل يترك صوته طليقا يتنقل بين الإحساسات بحرية تامة .

رولان بارت

وفي قراءة رولان بارت لقصيدة يطري عليه الوله كتب :
أتحرك كثيرا ضمن دائرة إحتياط المكان العميق لأنه في الوقت الذي أتماها فيه بصدق مع تعلسة الآخرين وأن ما أقرأه من تعاسه واقع من دوني وبسبب هذه التعاسة الذاتية يهجرني الآخر إذا تألم دون أن أكون السبب ، يعني أني لا أعتبر شيئا بالنسبة له
كل ما شكا من عنا همه وغرباله أقول : لعل به جرح من أسبابي (إذن وبشكل معكوس ، طالما أن الآخر يتألم من دوني ، فلماذا أتألم مكانه تحمله تعاسته بعيدا عني .. فلنفترق قليلا فلنعش حياتنا :
ناديت دامك حزين وحالتك حاله .. يكفيك همك وأنا بصبر على ما بي
^
^
^
^
يتبع

عبدالمحسن الشملاني

06-24-2010, 03:58 PM

دواوين البــــدر
7
7

http://www.elbader.net/daw/images/ma_pic.jpg

هذا هو الديوان الأول لسمو الأمير بدر و الطبعة الأولى صدرت في عام 1409 هـ الموافق 1989 م ، و يحتوي على 159 صفحة من الورق الفاخر ، ولقد كتب مقدمته الدكتور فهد العرابي الحارثي ، و يحتوي على مجموعة من القصائد النبطية و العامودية و الحرة، كما انه يحتوي على العديد من اللوحات التي رسمها البدر ويباع الديوان في الأسواق و المكتبات.
و هو بسعر 50 ريالا سعوديا.

http://www.elbader.net/daw/images/bad_pic.jpg

هذا الديوان الثاني لسمو الأمير بدر و الطبعة الأولى صدرت في عام 1410 هـ الموافق 1990 م ، ويحتوي على 101 صفحة من القصائد النبطية فقط ، و قد اهداه سموالأمير بدر الى والده الأمير عبد المحسن بن عبد العزيز- رحمه الله - و كتبت قصائد هذا الديوان بين عامي 1388 و 1410 هـ و تصميم الغلاف و خلفية القصائد بريشة الأمير بدر بن عبد المحسن.و يباع في الأسواق و المكتبات و سعره 35 ريالا سعوديا.

http://www.elbader.net/daw/images/law7a.jpg

هذا الديوان الثالث لسمو الأمير بدر بن عبد المحسن وهو ديوان يحتوي على العديد من القصائد الجميلة و التي كتبت بخط يده وزينتها لوحات رسمها البدر بريشته، يحتوي على 72 صفحة من النوع الفاخر ما بين قصيدة و لوحة، طبع في عام 1416 هـ و خصص ريعه لصالح الأعمال الخيرية.

لسموه العديد من الدواوين التي لا تزال تحت الطبع و هي تحتوي على الجديد من القصائد و اللوحات

عبدالمحسن الشملاني

06-24-2010, 03:58 PM

قصــائد البـــــدر
7
7

إخترنا لكم بعضـاً منهــــاا ..

الحب عبدي وسيدي

لا تشد القيد ...
تجرح يدي ... أو تجرح القيد ...
قيدك غدى يوجع يدي ...
سجني أنا انت ... وسجنك أنا...
والحب ... الحب عبدي وسيدي ...
لا ... لا تشد القيد ...
دمي ... جرى ... دمك ...
همي إني اشوفك في يدي ...
وإلاّ يدي همّك ...
في معصمي صرت ...
إنت السجين في معصمي ...
وكانك تصبرت ... أنا مقوى الصبر ...
دمعي في عيني ... وصرختي تملا فمي ...
سجني وسجاني ... أحزانك احزاني ...
وشلون ابنساك ... وشلون تنساني ...
محبوس في عيونك دمع ...
وزنزانتي ... تقطيبة الحاجب ...
وحاول توارى في الجفا ...
يا وجهه الصاحب ...
بتشوف نفسك في يدي ...
قيدٍ رقيق ...
قيدٍ سلب حريتي ...
ليته طليــق ...
يا صاحبي ... ما به ابد قيدٍ طليق ...
لا ... لا توجع يدي ...
سجني انا انت ... وسجنك انا ...
والحب ... الحب عبدي وسيدي ...

عبدالمحسن الشملاني

06-24-2010, 03:59 PM

الجــدران

المنزل ثلاث جدران .. ورابع ..
ما بينهم ضايع .. متشقق وعاري ..
ويميزه شباك .. ضيق ..
مصبوغ.. بالأحمر الناري ..
ومحاصرٍ باسلاك .. علقت بها وردة ..
أوراقها المنزل .. والبرعم الأفلاك ..
***
وعلى الجدار الثاني ..
وأمثال .. وأغاني
مكتوبة بكسرة فحم ..
وصندوق خشب ..
مزخرف بغير الذهب .. غير الجواهر ..
تحت الكتابه نافر ..
فوقه ظلالٍ عريق ..
مثل العنيد .. من الجروح ..
مثل السيوف اللي مقابضها حديد ..
أسرار من ماتوا بعيد ..
وما خلفوا حتى الورق ..

***
أما الثالث من الجدران ..
معلقٍ عليه صورة .. لإنسان ..
من دفتر نفوس .. مكبره ..
مدري جفونه مبخره ..
ولال تجاعيد خيوط .. دخان
وفي الركن كرسي خيزران ..
يجلس عليها الوقت ..
وجريدة ٍ عنوانها باهت .. تغفى على الإسمنت ..
وفوقها كوب فارغ .. وفتات خبز ..
وأصابع ٍ للجوع صفرا مكسره ..

***
ويبقى الجدار الأول ..
وهو أعرض الجدران .. وأكثرها وقار ..
وهو الوحيد اللي انبنا فـ نور النهار ..
بوابته على الطريق الرملي ..
صَفت أحجار درجها .. بصبر ..
وش كنها .. ؟؟
سنونٍ صفر .. في فمٍ مذهول ..
وظلما تشدك للدخول .. تشدك ..
وكل ما مسكت اكرة الباب النحاس بيدك ..
تلطخت بدم ٍ طري ..
الجرح نزفٍ يحتري .. أما الطعون ..
وين الطعون .. راحت ..

***
البيت ثلاث جدران .. ورابع ..
مالهم طابع .. يجمعهم ..
يشبهون أهلهم ..
وما صادفوا غير الحياة ..

~*¤ô§ô¤*~*¤ô§ô¤*~

عبدالمحسن الشملاني

06-24-2010, 03:59 PM

حسايف

التفت ...
وتوها ... توها ما اختفت ...
ماكساها الليل ... باللون الحزين ...
التفت ... وتعالت صرخته ...
في نظرته ...
صاح ... لكن بالنظر ...
وانكسر .... شوفه عثر ...

حسايف .. تذبل الضحكه وهى بين الشفايف ..
تذبل الفرحه وتضيع ...
ويصبح الكون الوسيع ...
مايكفي خطوتين .. لاكساه الليل بااللون الحزين ..
يوم مدلها يده ..
كانت الرجفه لقا ..
ودعت فيها الشقا ..
وتركت بين الاصابع ..
عطــرهــا ..
وعمرها ... ما جت على وقت الوعد ...
إلا ذاك اليوم ...
و عمرها ... ما بكت .. و ما ضحكت ...
ما حكت له .. واسكتت
مثل ذاك اليوم ...
كانت أجمل من خياله ... كانت انضر ...
كانت أكثر ... من أماني عمره الظامي حنين ..
و اختفت ... من كساها الليل باللون الحزين

اختفت في الطريق اللي معه ...
كانت تجيه ...
كيف دربٍ جمعه معها ... خذاه ...
ليتها اختارت سواه ...
تزرع القرقا لياليها ... عليه ...
وحسايف ... حسايف ...

~*¤ô§ô¤*~*¤ô§ô¤*~

عبدالمحسن الشملاني

06-24-2010, 04:00 PM

راعي الهوى مسكين

شعر موج .. وقمر خد ..
دفا روح .. وطغى قد ..
وراعي الهوى مسكين ..
زهى الكحل .. في الحاجر الفتان
وسرى الليل .. تو الفجر ما بان
وراعي الهوى مسكين
كما الشمس .. يجهر سنا نوره
ما اقدر أناظر .. والعين مكسوره
وراعي الهوى مسكين ..
ثغر ورد .. ورده شكت ورده
من دونها الشوق .. والرمح والقرده
وراعي الهوى مسكين ..

~*¤ô§ô¤*~*¤ô§ô¤*~

عبدالمحسن الشملاني

06-24-2010, 04:01 PM

رساله

إلى من .. يهمها أمرى .. إلى من ..
رجاءً .. إلى متى صبري .. رجاءً
أنا لن .. اشتكي .. همي لغيرك ..
ياروحي .. اشتكي روحي على من ..
رساله .. حبرها .. دمي ..
رساله .. تصرخ ابهمي .. إلى من ..
سألت الرمل .. في دروب القوافل ..
سألت الجدب .. عن لون السنابل ..
سألت الناس عن وجهك حبيبي ..
عن الشمس .. ومتى تشرق مساءً
أحبك .. يالصحاري اللي ..
فـ هجيرك .. احترق كلي .. وفاءً
كتبت لواحة عيونك رسايل ...
بسراب الدمع ... وانفاس القوايل ..
كتبت وذي ترى .. اخر رسالة
أحبك .. وان نسيتيني .. وداعاً ..

~*¤ô§ô¤*~*¤ô§ô¤*~

عبدالمحسن الشملاني

06-24-2010, 04:01 PM

الشمس اللي تغيب

أركض ورا الشمس .. اللي تغيب ..
ابي النهار .. وينتحي ..
أخاف أنا وجهي الى طاح الظلام ..
فوق الملامح .. ينمحي ..
كافي سواد العين والظل الحزين ..
وشمسٍ تبين .. وماتبين ..
ورا السحاب ..
كافي بَعْض ليلٍ يجي .. قبل الغياب ..
عن ليل الغياب
يا موقد الشمعة ..
وجهي أنا .. أو نور ذا الشمعة ..
قاسي الشحوب ..
في رعشة الضي العليل ..
وتكبر مسافات الهروب ..
يا صاحبي الشمعة غروب ..
به قريةٍ .. تحت الظلام .. مريتها ماجيتها
وبنيةٍ .. تحت الظلام ..
ورسالةٍ في الليل ..
خانتها الحروف .. من القهر شقيتها ..
كلي عيون .. وماتشوف
والناس .. ياظل .. وطيوف ..
والظلما .. نسيان .. الحبيب .. لحبيب ..
أركض ورى الشمس اللي تغيب ..

~*¤ô§ô¤*~*¤ô§ô¤*~

عبدالمحسن الشملاني

06-24-2010, 04:02 PM

ظماي انت

ظماي انت .. ومن يعشق ضماه غيري
جروحي انت .. ومن يكره دواه
اسقني لو ما ارتويت .. داوني لو ما شكيت
ماهقيت اني اعطش .. في حياتي لغيرك انت
مادريت ان مابه أغلى منك ..الا انت
ما تصور ان عيني مره تغفى وما اشوفك
ما تصور لو يطول الصمت ما اسمع حروفك
تدري احساسي بخوفي هو أماني
لما تسأل عني ليله عن مكاني
ما تصور كيف تحرقني الثواني
شمعه في ليل انتظارك..!
ياللي يسبقني زماني .. من عطش .. ليلي ونهاري
عطني موعد .. وانسى موعد
بس لا... تهجر وتبعد
يا ظما قلبي لقلبي .. وغربة اعيوني عن عيوني
وينك انت
ياترى الليله في صدري
لا ..
في جفني
لا ..
في الشعور اللي خطفني
اه ... لو تدري بشوقي
آه ... .يا ظما الدنيا بعروقي

~*¤ô§ô¤*~*¤ô§ô¤*~

عبدالمحسن الشملاني

06-24-2010, 04:02 PM

ظنك أحد طار

ومـا قـد لـمـسـت بأصـبـعــي .. جمرٍ .. و في بـالـي أحـتـرق ..
ولا دخـلت البحـر وأكـفـاني معي.. ودي عن أنفاسـي افتـرق ..
لكـن لـمحـت المـوت .. مـره .. يمـكـن مرتيـن ..
وما كـان هـالقـاسـي .. الحـزين ..
سـمعـت له صـوت..أنا مرني المـوت..مثـل طـير.. و دعـاني ..

أدعـي معـي .. والا اخـشـعـي ..
و مـا هـي تـرى مـرثيتـي .. لا تـجـزعـي ..
لـيتـي شـجـاع .. الى هـالحـد .. والا صـدوق .. الى هـالحـد ..

البـارحـه .. والريـح تحـمـل رملـهـا ..
و اللـي عـطـا .. هـالأرض .. ذكــرى .. مـن بـقــايـا اهــلـهــا..
عـطـاني من بعـض الـقـبـور.. تـراب ..
و مـن كـل غـايـب .. جـلـد .. وكـفـن .. وعـتـاب ..
كـانـوا قـراب .. الى هـالـحــد ..
وذكــرونـي .. لـو الـذنـوب تـعــد .. وش كــثـر أنـا شـايـب..

الطـير مـرّ ومـرّ .. ومـا لـمحـنـاه ..
و لا دعـانـا .. بيـت قـصـرانـا .. بـه بـكـى ..
ظـنـك أحـد .. طـار !! ..

~*¤ô§ô¤*~*¤ô§ô¤*~

عبدالمحسن الشملاني

06-24-2010, 04:03 PM

سألتي

قالوا سألتي .. عني سألتي ..
وأنا ما ادري ويني .. ضايع ياعيني ..
ما ادرى وش اللي ذكرك ..
مقطع شعر في دفترك ..
والا الكلام عن صاحبك ..
وانت عقدتي حاجبك ..
قلتي كلام كله كذب ..
وليه اتصلتي .. عنى سألتي؟
آخر لقانا في الخريف
تذكري الثوب الخفيف
والبرد .. يوم خفتى علي من البرد..
وامطار الخريف..
ومرت سنة يمكن سنين
ويني أنا ووين السنين؟
قلتي كلام كله كذب
ليه اتصلتي.. عني سألتي ..
صوتك طيور مهاجره ..
مرت في قلبي مسافره ..
والحب .. لو طال الغياب اول مداك وآخره ..
غيبي سنه والا سنين ..
بااجيك انا .. والا تجين ..

~*¤ô§ô¤*~*¤ô§ô¤*~

عبدالمحسن الشملاني

06-24-2010, 04:04 PM

الفجر البعيد

نامت عيونك
وصحى الليل مظنونك أغاني
قصّت جناح الثواني غيبتك
وصارت الساعة أماني

وآهـ ..آهـ
أنا حروفي في غيابك
لا هي حكي ولا هي قصيد
أكتب الظلما وأعيد
وإنت يالفجر البعيد .. نامت عيونك

إسهر معي ليلة
حاول تحس بلوعتي ليلة
عد النجوم وش كثرها.. ياللي بقلبي كثرها
نام .. القمر فـ وسادتك نام
ليتك تغير عادتك
خل القمر ليله.. يسهر معي ليله

أنا حروفي في غيابك
لا هي حكي ولا هي قصيد
أكتب الظلما وأعيد
وإنت يالفجر البعيد.. نامت عيونك

يا ساحر البسمه .. أساهرك نجمه
وابسمعك كلمه .. كلمه و لو كلمه
قم نادني .. يالله عسى تحتاجني
وإن مر ليلي ما سألت

وإن زاد ظلمك ما عدلت

آهـ.. آهـ
أنا حروفي في غيابك
لا هي حكي ولا هي قصيد
أكتب الظلما وأعيد
وإنت ياالفجر البعيد.. نامت عيونك

~*¤ô§ô¤*~*¤ô§ô¤*~

كفاك غرور

صحيح ان السحاب انتي ..
واعشاب الربيع انتي ..
وأجمل من على هذا التراب .. انتي
وفـ عز الليل لو بنتي يطير الصبح ..
من كف الربى عصفور ..
ولكن الليالي تدور ..
كفاك .. غرور
سقاني صوتك البارح .. مرار الحزن والترحال
صحيح ان البحر مالح .. ولكن العطش قتال
سألتك يا ظماي .. أمطار
سألتك عن هواي .. أخبار
سألتك كلمتين أعذار .. ولكن ما تعذرتي ..
وحقك لو تكبرتي ..
صحيح ان السحاب انتي ..
واعشاب الربيع انتي ..
وأجمل من على هذا التراب انتي ..
انا جرح .. وحنين وهمس
وقلبٍ ينبض بصدري ..
ولا ادري من حبيبي .. الشمس
ولا ودي بعد ادري ..
يكفيني دفى انسان ..
يشاركني فرح واحزان ..
ونورك فـ السما لو بان .. أشوفه مثل كل الناس
وأحسه .. مثل كل الناس
وصحيح ان السحاب انتي ..
واعشاب الربيع انتي ..
وأجمل من على هذا التراب انتي ..
وفـ عز الليل لو بنتي .. يطير الصبح ..
من كف الربى عصفور ..
ولكن الليالي تدور كفاك .. غرور

~*¤ô§ô¤*~*¤ô§ô¤*~

عبدالمحسن الشملاني

06-24-2010, 04:05 PM

الليل

الليل 00
ما هو الظلام وبس 00
ولا القمر 00 ولا النجوم 00
الليل هو هذا البحر 00
يظهر من شطوطه
لاناموا الناس 00
وتثاوبُ الحراس 00
الليل 00
ما هو الظلام وبس 00
انا أحس 00 أحس 00
ان البحر افلاك 00
والليل بحر 00
وانت 00 وانا 00
يا صاحبي اسماك 00

~*¤ô§ô¤*~*¤ô§ô¤*~

وادعيني

وادعيني .. لا تردين الملامة
وادعيني .. لاتخافين الندامة
وادعيني يا حبيبة .. وسامحيني ياغريبة
ان جرحتك في اللي فات .. ذا ترى طبع الحياة
يا عسى اللقيا قريبة
لا تضنين الوداع .. بيننا هذي الدقيقة
من زمان الحب ضاع .. وما درينا بالحقيقة
كلنا نطرد سراب.. حظنا منه العذاب ..
وادعيني يا حبيبه.. وسامحيني ياغريبة..
لوجرحتك في اللي فات .. ذا ترى طبع الحياة..
يا عسى اللقيا قريبة
وادعيني بابتسامه .. نورها ينفي الشجون
واتركيني بالسلامة .. .يا عسى دربك حنون
واوعديني لو نسيتي .. قصة الماضي اللي راح
زي ما تنسي الامانه .. حاولي تنسي الجراح
وادعيني يا حبيبة.. وسامحيني ياغريبة..
ان جرحتك في اللي فات.. ذا ترى طبع الحياة
يا عسى اللقيا قريبة

~*¤ô§ô¤

¤ô§ô¤*~

عبدالمحسن الشملاني

06-24-2010, 04:06 PM

جمرة غضى

جمرة غضى .. أضمها بكفي
أضمها حيل . .
أبي الدفا .. لو تحترق كفي
وأبي سفر لليل
بردان أنا تكفى .. أبي احترق بدفا
لعيونك التحنان .. فعيونك المنفى
جيتك من الإعصار .. جفني المطر .. والنار
جمرة غضى
والله الجفا برد .. وقل الوفا برد
والموعد المهجور ما ينبت الورد
ياحبي المغرور .. ياللي دفاك اشعور
رد القمر للنور .. واحلى العمر .. في وعد
بردان .. بردان أنا تكفى.. أبي احترق بدفا
يا أول الحب .. شفتك أنا مره
واهديت لك قلب
ورديت لي جمرة
ومن يومها كان الرحيل
وليل الشتا .. القاسي الطويل
وآه يا الحنين
لليل باب له حارسين
برد وسحاب

ّّّّّّّّّّّّّّّّّّّّّّّّّّّّّّّ

الجريده

الجريده ..
ادري وش سر الجريده
به أحد .. يقطع وريده ..
وينزف أخبارٍ جديده ..
وحنا نقراها الصباح ..
دنيا مكتوبه فـ ورق .. دنيا من دم .. وعرق ..
دنيا مجنونه ارق .. وهم ..
انسرق .. إحترق .. المهم
كلها أخبارٍ سعيده
وحنا نقرلها الصباح ..
لو طبعنا .. صفحة ما فيها خبر ..
لا حروف .. ولا صور
صفحة يملاها البياض ..
صفحة تملانا بياض .. ما يعكرها الحبر ..
كان ذي الصفحة الوحيدة
اللي اقراها الصباح .. في الجريدة

عبدالمحسن الشملاني

06-24-2010, 04:07 PM

تعالي

عتيم الليل ...
قمرنا من زمان والله ... فقد نوره ...
عتيم الليل ...احس النظره تتكسر ...
على سوره ..

سهرنا ... في عتيم الليل ... حزين الهمس ...
قدرنا ... ننتظر باكر ... شعاع الشمس ...
تعالي ... طالت الغيبه ... وانا مشتاق ...
انا مشتاق ... انا الاشواق ... انا العشاق ...
تعالي من جسور الليل ... تعالي ضي ...
تعالي في هجير العمر .. حنان وفي ..
وربي ... طالت الغيبه
حنون الليل ... وصوتك همسة التحنان ..
حنون الليل .. بيروي بالامل عطشان ...
حنون الليل .. وانت بتسمعي صمتي ...
تحسي بي ...
تقاسي فيّ تعذيبي ...
تشديني من الامواج ...
ترسّيني على مينا ... وصوتك في ليالينا ...
أبد ساري ...
حنون الليل ... وانت الريح والساري ...
تعالي ... طالت الغيبه
وربي طالت الغيبه ..

__________________________________________________ __

الله يرد خطاك

الله يرد خطاك لدروب خلانك ..
لعيون ما تنساك لو طال هجرانك ..
دام الأمل موجود فالنفس خضاعه.
حق العيون السود السمع والطاعه

الله يردك لي .. يا مطول غيابه ..
يا معـذبي هجري .. مدري وش أسبابه ..
دام الأمل موجود .. فالنفس خضاعه ..
حق العيون السود السمع و الطاعه ..

ياللي بعدك اليوم .. نبكي على باكر ..
صبري عليك يدوم .. مادمت أنا فاكر ..
إن الأمل موجود .. فالنفس خضاعه ..
حق العيون السود السمع و الطاعه ..

********

اغصان المساويك

تجلس عجوز .. في اول السوق ..
وبين الشبابيك .. وتبيع السوالف ..
وأغصان المساويك ..
ومايخالف .. لو باعتني الحكي ..
الحكي غالي هــ الايام ..
مريتها .. ابي الكلام ..
قلت : ياخاله أنا ..
ان نسوني الناس .. زعلت ..
والى اذكروني الناس .. زعلت ..
صمتي وحروفي مبعثره ..
ضحكت وقالت :
لو عدلت .. سلمت قلب وحنجره ..
ماعطيتها فلوس على هذا التعب ..
وماريحتني من التعب ..
قمت وعلى عيوني غباش ..
مدت لي مسواك جديد ..
عييت ..
وقالت لي بلاش ..
ان كانت سنونك نظاف ..
حطه في جيبك ياولدي ..
يجلي محانيك الرهاف ..
من كل اأحساس ردي ..

^
^
^
^

يتبع

عبدالمحسن الشملاني

06-24-2010, 04:09 PM

رعشة هدب

ماقلت له ... يا حلوتي ماقلت له ...
المشكله ... إني أختلف ...
لا طروا اسمك من الوله ...
وجهك تغيّر ... نظرتي ...
وتضحك في عيني يا عبرتي ...
وبعض الحكي ما اتحمله ...

ما اكذب عليك ... البارحه شافوك ...
رعشة هدب لفته ...
البارحه شافوك ... في النوم الذي عفته ...
وماحد ٍ يقول ... شافك معي مره ...
طيفك متى ... يكفيني من شره ...
باكر إلى مروا علي ربعي بقول :
إن السما ما هي سما ....
واغيّر اوقات الفصول ...
ان صدقوني .. ما دروا إنك هواي ...
وإن عاتبوني ... صارت عيونك سماي ...

~*¤ô§ô¤*~*¤ô§ô¤*~

زل الطرب

تلعب وانا .. ما عاد لي بالطرب شف
لعبك بروحي بدل الفرح بجراح
زل الطرب يا موجع الطار بالكف
شابت قوافي الليل .. نور الضحى لاح
كانك تدق القلب .. دقك على الدف
عسى الضلوع توقي القلب لا طاح
شفتك .. ولا ادري من قضب بعدك الصف
ناس ٍ كثير .. وكنهم عندي أشباح
نورك دعاني عندك الشوف وقف
كنه فنارٍٍٍ لاح في عين ملاح
من له ثمان اسنين من راح منكف
خلّى السفين وعارض الموج سباح
من فرحته ما حسب االحيل يتلف
غلب عليه الموج والقاع منزاح

عبدالمحسن الشملاني

06-24-2010, 04:10 PM

ردي علي الصوت

ردي علي الصوت .. ردي حياتي

صمتك على شكوى حنيني .. مذله

اما اقطعي حبل الوصل بالنجاتي

والا عطيني باقي الود .. كله

لا توعديني .. عذب الصبر ذاتي

والبعد حالي مع عنا الوجد سله

اشكي الجفا لك .. ما شفيتي شكاتي

الوعد الأول للقا .. فات حله

يرضيك يصبح شملنا للشتاتي

يرضيك نرضي كل نفسٍ مغله

يرضيك لا فرحوا بهمي عداتي

واقفوا يقولون .. الغضي عاف خله

ردي علي الصوت .. يكفي السكاتي

قولي لغيرك ماهفا القلب للّه

رساله

إلى من .. يهمها أمرى .. إلى من ..

رجاءً .. إلى متى صبري .. رجاءً

أنا لن .. اشتكي .. همي لغيرك ..

ياروحي .. اشتكي روحي على من ..

رساله .. حبرها .. دمي ..

رساله .. تصرخ ابهمي .. إلى من ..

سألت الرمل .. في دروب القوافل ..

سألت الجدب .. عن لون السنابل ..

سألت الناس عن وجهك حبيبي ..

عن الشمس .. ومتى تشرق مساءً

أحبك .. يالصحاري اللي ..

فـ هجيرك .. احترق كلي .. وفاءً

كتبت لواحة عيونك رسايل ...

بسراب الدمع ... وانفاس القوايل ..

كتبت وذي ترى .. اخر رسالة

أحبك .. وان نسيتيني .. وداعاً ..

صوتك يناديني

تذكٌر .. صوتك يناديني ...

تذكر ... تذكر ...

تذكر الحلم الصَغير ...

وجدار من طين وحصير ...

وقمَرا ورا الليل الضرير ...

على الغَدير ...

لاهَبٌت النسمَة تكسر ...

جيتي من النسيان ...

ومن كل الزمان ...

اللي مَضَى ... واللي تغٌير ...

صوتك يناديني تذكٌر ...

ناديتي ... خانتني السنين ...

اللي مَضت راحت

ناديت ... ماكن السنين ...

اللي مضت راحت

كنا افترقنا البارحة ...

البارحة .... صارت عمر ...

ليله ... أَبَدْ عيٌت تمرٌ ...

ياجمرة الشوق الخَفي ...

نسيت أنا وجرحك وفي ...

يتذَكر الحلم الصغير ...

ريانَة العُود ... نادي ...

نادي الليَالي تعُود ..

بشوق الهَوى ... بوعُود ...

بوجهي اللي ضيعته زَمَان ...

في عُيُونك السٌود ...

ياالضحكة العَذبة ...

عَنك الصٌبر ... كِذبه ...

وفيك العُمر موعود ...

اشتقت للحلم الصغير ...

واشتقت لجدار وحصير ...

وقمَرا ورا الليل الضرير ...

على الغدير ...

ان هبت النسمَة تكسر ...

عطني المحبه

عطني المحبة ..

كل المحبة .. عطني الحياه..

عطني وجودي ..

ابغى وجودي .. أعرف مداه

املا شعوري .. بالحب مره

ابغى هواكم.. حلوه ومره

وأغلى الأماني .. عاشت في غربه

ياعمر ثاني .. عطني المحبه

عطني في ليل الياس شمعه ..

وبسمة نهار..

عطني في ضياع العمر دمعه..

وسكة ودار ..

واعطيك أمل في الحب غالي ..

يصعب على غدر الليالي ..

وأغلى الأماني .. عاشت في غربه

ياعمر ثاني .. عطني المحبه

العشق

العشق .. هو خال .. وزمام ..

والا العيون اللي .. محاجرها ظلام ..

وقبل السلام .. وبعد السلام ..

يابنت أنا أحبك .. والسلام ..

واناظرك وانتي بشعرك تلعبي .. باصابعك كل الحديث اللي أبي

ما تعبت ليلي أناظرك .. ومااظنك إنتي بتتعبي

با بنت أنا أحبك .. والسلام

عبدالمحسن الشملاني

06-24-2010, 04:14 PM

مآآآآآزال للبدر بقيه ^^

كونو بالقرب
^^

ناصر الشملاني

06-25-2010, 12:23 AM

الله يقوووووووووووويك عبدالمحسن والف شكر على نقل ديوان متكا مل لشاعر الامير بدر

ارجو من الاداره التثبيت للموضوع

عبدالمحسن الشملاني

06-25-2010, 02:09 AM

طفله وطفل

غديت انا .. وانتي .. طفلة وطفل ..
تبكين فـ وداعي .. وانا كني مفارق أهل ..
وبيتٍ صغير .. ودربٍ كهل ..
ياللي على خدك كحل .. لوتمسحيه
وتتبسمي .. مال البكا داعي
ياللي سنا عيونك أمل .. لا تقتليه
تتألمي .. مال البكا داعي
يا اول مواعيدي .. ويااخر مواعيدي
انتي فرح عمري .. وجرحي وتسهيدي ..
افارقك ليله .. يا طولها ليله ..
واجيك انا باكر .. وقلبي على إيدي ..
ومادري سبب خوفك .. وانتي العمر شوفك ..
ياللي على خدك كحل .. لوتمسحيه
وتتبسمي .. مال البكا داعي
ياللي سنا عيونك أمل .. لا تقتليه
تتألمي .. مال البكا داعي
وغديت انا .. وانتي .. طفلة وطفل ..
تبكين فـ وداعي ..

عبدالمحسن الشملاني

06-25-2010, 02:10 AM

عبدالمحسن الشملاني

06-25-2010, 02:12 AM

((ارقام ))

في آخر الصفحه .. يسار ..
خبر صغير .. حادث قطار .. مات أربعة ..
مكتوب في السطر الأخير ..
باقي التفاصيل .. في الصفحة العشرين ..
على الثرى .. وبين الورق ..
أجسادهم امقطعة ..
الأربعة .. لجل المساحة ماتشيل ..
وفي باقي الصفحة صور ..
فنان .. وحصان .. و كور ..
وابحث عن الخبر الحزين ..
في نهاية الصفحه يمين ..
حادث قطار ..
ماتوا ثلاثة وطفل ..
وباختصار .. شديد .. شديد ..
كان القطار .. هو الوحيد ..
اللي بأسم ..
بلا ملا مح .. أو أسامي ..
ليه كلنا نموت ..
ليه نهمل الجثه ..
ونتذكر التابوت ..
لأقدامنا صوت ..
من يسمعه ..
من يسمع الأقدام..
هم مروا من تحت الكلام..
الأربعة ..
وصاروا أرقام .. أرقام ..

أنا رقم .. اصقه ضرير ..
المشكلة .. مثلي كثير..
يجمعنا حب الهاويه ..
احلامنا .. انا نصير..
وقاماتنا متساويه..
نركض على ورق الحياه ..
لين ننمحي ..
المشكله مانستحي ..
إنا نمرّ ..
ماشافنا انسان ..
ولا سمعنا انسان ..
اكتبني يالنسيان ..
انا رقم ..

عبدالمحسن الشملاني

06-25-2010, 02:13 AM

((اه يا لجراح ))
لا جيت أنا ب سامحك..
تبكي الجراح ما ودها..
مشتاق ودي أصافحك..
عيت يدي لا مدها...
آه. .يا لجراح .. راح اللي راح ..
وراحتي .. من يا ترى بيردها ..
يا حب.. ياذ كرى واسم..
مدري انا ابكي عليك من العذاب اوابتسم..
صدقني في يأسي .. نفسي تبي نفسي تبيك ..
لا يا دفا شمسي تبيك..
ليه خنتني ..الله عليك ..
آه يا الجراح .. راح اللي راح..
وراحتي .. من يا ترى بيردها ..
لا تحاكي عيوني .. يمطر سحاب الملح ..
ولا تلمس أشجوني .. ينبت في قلبي جرح ..
ناظرني يا خلي .. جرح انا كلي ..
وشلون أب ارضى الصلح ..
فصل الخريف حبي ..حزن وورق أصفر..
...ودعني يا قلبي..وخل العذاب أقصر..
آه يا الجراح .. راح اللي راح..
وراحتي .. من يا ترى بيردها ..

عبدالمحسن الشملاني

06-25-2010, 02:15 AM

((اوراق الزمن ))
ادفن يدي .. تحت الثرى ..
واسقيها من جفني ارق ..
يذبل مابين اصابعي ..
عشب و ورق ..
ادفن يدي .. فوق الثرى ..
يلفها برد وسموم ..
واحس بعروقي يبست ..
ما توصل عروقي الثرى ..
ولا تشرب عروقي النجوم
وينبت على جفني سهاد ..
يذبل ورا صدري الشجن ..
اشقق اوراق الزمن ..
وانام ..
في حلقي الليله جفاف ..
شربت أيامي .. ومضت ..
واللي بقى جرحي الوفي ..
في خاطري باب يرد ..
وسراج دوبه ينطفي ..
اغطي الظلمه بظلام ..
كل ما اشد اصابعي ..
على العيون المتعبه ..
جرحٍ ينام .. وجرحٍ شعر بي وانتبه ..
قام وتبعني لشرفة ظلمه بعيد ..
جاني يقاسمني السهاد .. جاني قصيد ..
ادفن يدي تحت الثرى .. فوق الثرى ..
واعيش انا بباقي يدي ..
نصفٍ يموت .. ونصفٍ درى انه يموت ..
يا سيدي .. ربي انا نقطه ف بحر ..
علمني كيف اهوى الحياه ..
علمني كيف اهوى القدر ..
علمني بإماني اكون ..
يارب .. اكثر من بشر ..

عبدالمحسن الشملاني

06-25-2010, 02:16 AM

((انتي اللي وحدك لي))

كل الحرير اللي في الأرض ..
ما يلمس الجلد ..
وكل الرخام ..ما تاطى القدم ..
والعطر .. ما طال النسم ..
حبيبتي ..واغلى الجواهر جيد ..
وكثر الذهب ..والغيد ..
انتي اللي وحدك لي ..
حبيبتي تغار ..
والدر في المحار ..
والمحار في اليم
واليم في الأعصار ..
ومابه شعور اقدم ..
من لهفة البحار ..
ساعة يغيب النور ..
وفي الشط .. خيط اقصور ..
لبيت ومره صغار ..
جفت حروف الما ..
وباقي في صدري الملح ..
قومي إغسلي سفري ..
إن طال بي الترحال ..
كل المواني احبال ..
تربطني بعيونك ..
وشلون أنا اخونك ..
وأنتي اللي وحدك لي ..

عبدالمحسن الشملاني

06-25-2010, 02:17 AM

(( أحبابك سروا ))

مابه احد غيري يابنت.. احبابك سروا..
لاتسأليني تغيروا.. يمكن نسوا او مادروا..
ياحلوتي ضاع الوعد.. وباكر بعد..
مري على دروب الجراح.. وتلقين احد غيري..

بالله لاتبكين عندي.. والى رحتي سوى اللي تبين
مالك عزى.. ف قلبي الحزين
محتار انا اسكت.. ومدري ايش اقول
لاني سبب جرحك.. ولاعندي الحلول
لكن ابوصيك بصبر.. لابد للغايب عذر
وياحلوتي ضاع الوعد.. وباكر بعد...
مري على دروب الجراح.. وتلقين احد غيري

غطي سنا خدك بشال الليل..
وغيبي ياشمس اللي ضيها لغيري..
اه .. لو تعرفي وش كثر انا احبك.. لو كنتي تدري بي
ياعيونها السود.. مابه احد موجود.. غيري انا الموعود
جرحي.. وتعذيبي..
ياحلوتي ضاع الوعد.. وباكر بعد...
مري على دروب الجراح.. وتلقين احد غيري...

عبدالمحسن الشملاني

06-25-2010, 02:17 AM

(( الجدران ))

المنزل ثلاث جدران .. ورابع ..
ما بينهم ضايع .. متشقق وعاري ..
ويميزه شباك .. ضيق ..
مصبوغ.. بالأحمر الناري ..
ومحاصرٍ باسلاك .. علقت بها وردة ..
أوراقها المنزل .. والبرعم الأفلاك ..
***
وعلى الجدار الثاني ..
وأمثال .. وأغاني
مكتوبة بكسرة فحم ..
وصندوق خشب ..
مزخرف بغير الذهب .. غير الجواهر ..
تحت الكتابه نافر ..
فوقه ظلالٍ عريق ..
مثل العنيد .. من الجروح ..
مثل السيوف اللي مقابضها حديد ..
أسرار من ماتوا بعيد ..
وما خلفوا حتى الورق ..

***
أما الثالث من الجدران ..
معلقٍ عليه صورة .. لإنسان ..
من دفتر نفوس .. مكبره ..
مدري جفونه مبخره ..
ولال تجاعيد خيوط .. دخان
وفي الركن كرسي خيزران ..
يجلس عليها الوقت ..
وجريدة ٍ عنوانها باهت .. تغفى على الإسمنت ..
وفوقها كوب فارغ .. وفتات خبز ..
وأصابع ٍ للجوع صفرا مكسره ..

***
ويبقى الجدار الأول ..
وهو أعرض الجدران .. وأكثرها وقار ..
وهو الوحيد اللي انبنا ف نور النهار ..
بوابته على الطريق الرملي ..
صَفت أحجار درجها .. بصبر ..
وش كنها .. ؟؟
سنونٍ صفر .. في فمٍ مذهول ..
وظلما تشدك للدخول .. تشدك ..
وكل ما مسكت اكرة الباب النحاس بيدك ..
تلطخت بدم ٍ طري ..
الجرح نزفٍ يحتري .. أما الطعون ..
وين الطعون .. راحت ..

***
البيت ثلاث جدران .. ورابع ..
مالهم طابع .. يجمعهم ..
يشبهون أهلهم ..
وما صادفوا غير الحياة ..

عبدالمحسن الشملاني

06-25-2010, 02:18 AM

(( أوقات ))

أوقات ياخذنا الحكي ..
وننسى بالحكي أوقات ..
واوقات .. يا ليت الكلام سكات ..
يجرحنا الحكي ..
اسهر .. مع حبيبي .. يا قمر الكلام ..
لين يغفى حبيبي .. وجروحي تنام ..
ابعد عن حروفي .. وعن المي وخوفي ..
وابحر في سفينه .. عن بحر الظلام ..
وصلنامدينه .. من عطر وغمام
انا وين القى كلام .. ما مر ف كلام
اوقات .. يا ليت الكلام سكات ..
يجرحنا الحكي ..
بغني لعيونك .. في حزني وفرحي
وبكتب عيونك .. قصيده لجرحي
واخلي ابتسامك .. دموعك كلامك
قمر هالسوالف في ليل السكوت ..
ولو الف نجمه في عيني تموت ..
في حزني أحبك .. ويأسي أحبك ..
أحبك .. مأقول أوقات

عبدالمحسن الشملاني

06-25-2010, 02:18 AM

(( اقول أحبك ))

قالوا حروفي عمي وعيونك بروق
مافي قصيدي جنح ليلٍ وبارق
قلت الذي له داخل ضلوعي حروق
أقرب من اللي في سما الناس شارق
غيري يشوفك وأجود الشعر مطروق
وأنا أحسّك وأصدق الحب فارق
ياللي عيونك دم وعيونك عروق
ولهاث قلبٍ في نواعسك غارق
أقول أحبك يخرج البحر صندوق
تبرالغزاة وكنز سود البيارق
وأقول أحبك صدرالايام مشقوق
عن وجه غرناطه وعن مهر طارق
وأقول أحبك والله إني من الشوق
ألقا طيوفك في جميع المفارق
كتبت لك قلبٍ من القلب مسروق
ولا طاب لي وصفٍ من الوصف سارق

عبدالمحسن الشملاني

06-25-2010, 02:19 AM

((الاختيار ))

ودي اختار.. الليله درب ..
ما تعرفه ..
ودي اجلس في مكان ..
ما يذكرني بصدفه ..
أو وعد ..
ودي أحكي يا حبيبي .. مع احد ..
غيرك احد ..
لجل النهار .. وحريتي ..
اعطيني .. لحظة اختيار ..
وحدي وغديت أنت الزحام ..
وحدي أبد .. وانت الكلام ..
نورك وما غيره .. ظلام ..
عذب الحروف .. طاغي الطيوف ..
أبعد عن عيوني .. بااشوف ..
لجل النهار .. وحريتي ..
اعطيني .. لحظة اختيار ..
ابي درب .. مايوصلني لدارك ..
ابي وعد .. ماحتمل فيه انتظارك ..
وابي ليل .. مايجي بعده نهارك ..
ودي ادري .. هي حياتي ..
اختياري .. أو اختيارك ..
ودي انسى .. ليله وعدك .. أنسى وعدك .. ماأجيك ..
وش يضرك .. لواخونك .. مره واختارك عليك

عبدالمحسن الشملاني

06-25-2010, 02:20 AM

(( انتي ))

مثل الوسن إنتي ..
حبك سرقني .. وانتبهت
وتوي أعرف ان الزمن فرقه ووعد ..
وان الهوى ماله ثمن ..
***
باكر تجين .. أو ماتجين ..
أرجوك سوِّي اللي تبين ..
بس انتظر .. وعدك نعم ..
ما خلى للدنيا طعم ..

***
الا الحنين ..
باكر تجين .. أو ما تجين ..
أرجوك سوِّي اللي تبين ..
بس انتظر .. وعدك نعم

عبدالمحسن الشملاني

06-25-2010, 02:21 AM

((إنطلاق ))

* راج ..
طيري في السما ..
شالته امواج الرياح ..
يا ترى وين نيته ..
انتزع حريته ..
وخانني مع السحابه .. والعجاج ..
انشر فْ كل السما ..
ريش جنحانك ..
يا طيري اللي عذبتك ...
قيود خلانك ..
كل زادٍ .. وانت في الاغلال جوع ..
وكل شربٍٍ وانت في سجنك هماج ..
يا رفيق الخير ..
لك حق تختار ..
بين الديار .. ديار ..
وبين الاهل صحاب ..
وبعض العمار قفار ..
راج طيري في السديم ودار ..
(لاواحلالاه ياطيري)

*راج:طار في السماء

عبدالمحسن الشملاني

06-25-2010, 02:22 AM

((أبي النسيان ))

تذكرتك .. وأبي النسيان ألايا خل ساعدني
أنا مالي ورى الذكرى .. إلى مات الأمل خيره
أنا ودي على الفرقا حبيبي لو تعاهدني
وإلى شفتك .. تصد ولاتجيب لما مضى سيره
تخيّر غير هذي الأرض .. مكانٍ به تواعدني
تخيّر لك مكانٍ صعب .. أعرف فيوم تقديره
عسى الجرح الذي يدينك أشوفه عنك يبعدني
أنا اللي أكرهك .. وأحبك .. شعورٍ صعب تفسيره
حسيبك .. يالهوى الظالم .. حسيبك لاتعاندني
بيلقى صاحبي غيري وأباالقى في العرب غيره

عبدالمحسن الشملاني

06-25-2010, 02:22 AM

(( أغنية في العشق والموت ))

ضمي مَلامح صورته ..
ضميه .. لعله يفيق ..
يَشهق .. أو يَردّ النَّفسْ ..
ضمّيه لعَله حبس ..
صٌوته .. رعشة عرٌوقه ..
وخيم حزين الصمت فُوقه ..
مات .. مات
من قبل ما يكتب له ف قٌربك حياة ..
من لبسه ثوب البياض ..
من سبل عيٌونه ..
مسح غبرة جبينه ..
وش يفيد ..
اللي زرع نصلٍ حديد ..
في قلبه الطيّب نسى ..
قولي عسى .. ما تلمحي ..
ف طرف ثُوبك له دما ..
يا خٌوفتي .. اللي سبح في نهرك الجَارف ..
غد اموته ظما ..
ضمّي ملامح صورته ..
ضمّيه لعله يفيق ..
يشهق أو يرد النفس ..
صوته جرس ..
ينحب على بوابة الليل ..
يوقظ خدر جرحك ..
يتل من عينك احبال الدّمع
ضمّيه لعله سمع ..
انك تحبينه ..
ولا ..قلتي تحبيه ..
ولا .. قلتي تحبيه ..

عبدالمحسن الشملاني

06-25-2010, 02:24 AM

http://www.elbader.net/bah/subs/images/bader_side_picture_blue.jpg

من أقوال البدر ....~~~

أكبر تحد يواجهنا في المستقبل00 أننا كبشر مهددون بالجوع والعطش

والاختناق00 حاول أن تقتصد في الأكل والشرب والتنفس00

أعياني الجدل00 مع محب00 وكاره00

ومن أنصفته العقول 00 كثيرا لاتظلمه العواطف
وأعياني أن لا يجد بي المحب ملاكا00
والكاره شيطاناً00
وأعترف بآدميتي 00 فينكر الجميع سقوطي00 وشموخي00

أعيتني الكتابة فيما لا أحب00 فمتى أكتب ما أحب ؟

يا سيدي وأنت تلقي بكبدك على خنجري00 من الملام00 أنا00 أم أنت00 أم الجرح0

قالها للقاضي00 ولكنه أدين00 !!

لست صديقك00 لأنني لاأعرفك00

ولست عدوك لأنني ماني ناقصك00
قالها رجل00 لرجل آخر أصر أن يقرأ معه نفس الجريدة00

وتسمعين عني أشياء كثيرة00 وتصدقين ولا تصدقين 00 وربما كنتُ أشياء كثيرة00

لا يعرفها إلا من يعرفني 00 إختاري بي ما يبعدك أو يقربني إليك 00 وصدقي فقط
أنني لست لأحد سواك00

و انا دائم الرحيل .. كوني صحرائي.

بخيوط سهري أخيط قصب الظهيرة في مخمل منتصف الليل .. لذلك يتعرى الزمن.

عندما يصلي .. إنسان الصحراء .. صلاته سريعة .. و لكنها واضحة و ناصعة.

الرمال بدو الطبيعة و البدو رمل البشر و كلاهما يتحرك ضمن وطن.

عبدالمحسن الشملاني

06-25-2010, 02:25 AM

قال عن العشق

عندما يحدثني أصدقائي 00 عن قصص العشق 00 أشعر بأني سأذج 00
ليس هناك قمر 00 أو شباك 00 أو شجرة لوز00
ولا حتى شعر 00 فيما يروونه لي من قصص!
وأنا لا أتحدث كثيرا 00 عما في قلبي 00
ولا أجيد الكذب00
ولا أزال أنظر إلى السماء بالعين المجردة00
وأعتقد أن الزهور كانت موجودة قبل الحدائق00
وأن الوصال00 يكتمل أحيانا بالنظر00
وأن لحروف الحب رائحة النعناع00
وطعم الرطب الناضج
أشعر أني ساذج 00 لأنني لا أراك بما يكفي 00
وأحيانا00 لا أراك بما لا يكفي00

مجلة المختلف عدد 93- أبريل 1999 ص 98- 99

كلمات الحب:
النبات 00 حب
ينشأ بين البذرة والريح00
والريح والرمل00
والرمل والمطر00
شبيه بحبنا00 نحن البشر00
الريح لاتختار أي بذرة تحمل00
والبذرة لا تفكر في أي رمل تسكن00
والمطر لا يهتم إن تساقط على وادي 00 أو رابية00
ونحن نهتم 00 ونفكر00 ونختار00
لماذا00 برب العباد00
لا نحب مثل النبات00؟
قالها العجوز00 قالها ثم مات00

عبدالمحسن الشملاني

06-25-2010, 02:26 AM

http://www.elbader.net/oberaits/allah_albadi/images/1.jpg

http://www.elbader.net/oberaits/allah_albadi/images/3.jpg
http://www.elbader.net/oberaits/allah_albadi/images/4.jpg

الله البادي .. ثم مجد بلادي ..

ديرتي .. غيرتي ..
حبي اللي في العروق ..
جارفٍ .. دافي .. صدوق ..
حالفٍ ما أشرب و أذوق ..
غير حب بلادي..
و غير عز بلادي..

دارنا ماهي في كل الديار ..
شمسها .. تسبق الشمس بنهار ..
و أرضها .. تزهر أمجاد و فخر ..
أهلها اهل الشيم .. عمروها من عدم ..
سطروا فوق العلم .. ( لا إله الا الله )..

الرمل .. عانق السهل الهضاب ..
وحدةٍ .. تجمع قلوب و تراب ..
شرعها .. حكمة الله في الكتاب ..
الله البادي..

نشأته

نشيد الله البادي ، بمناسبة مهرجان الجنادرية السادس 1410 هـ 1990 / و هو من الحان الفنان أحمد شفيق، و قد قام بأداء النشيد كل من الفنانين طلال مداح و محمد عبده.

http://www.elbader.net/oberaits/allah_albadi/images/5.jpg

عبدالمحسن الشملاني

06-25-2010, 02:27 AM

http://www.elbader.net/oberaits/images/fares_altaw7eed_header.gif

اللوحة الأولى

http://www.elbader.net/oberaits/oft/images/pabdullah_bader.jpg

استغرق تجهيز ملحمة فارس التوحيد الشعرية و الغنائية و الإستعراضية سنة كاملة بدأت منذ تكليف سمو الأمير الشاعر بدر بن عبد المحسن من قبل سمو ولي العهد الأمير عبدالله بن عبد العزيز للقيام به، و تواصل العمل يوما بيوم و لحظة بلحظة حتى تم انجازه.

اللوحه الاولى
الليالي قصـــــة والحروف عيون

والحياة مبدأ وسيف وغصن من زيتون

وبسمك الله نبدأ

والبداية كلمة فجرت هالكون

بالضيا و الرحمة بين كاف ونون

وتبعتها كلمة ابدعت من طين

النبي آدم وعلمته الدين

ونزلت كلمة على النبي المختار

وسجدت امه للواحد القهار

ومابقى كلمة تدعو للاصلاح

قالها الائمة في زمان راح

وجدد الكلمة محمد وساند الكلمة محمد

ونهضت امة محمد امة التوحيد

الليالي قصة والزمان بعيد

من مية عام مضت ف نجد بالتحديد

شع مصباح وزهرة فتحت في البيد

زهرة غير الزهور ونور غطى كل نور

اول الفجر وظهور البطل عبدالعزيز

عبدالمحسن الشملاني

06-25-2010, 02:27 AM

اللوحه الثانية

طراد: ياترف ومفارقك يوجع مدري متى الوقت يدنينا

لعين في وداعكم تدمع والحزن يملي محانينا

ترفه: ياطراد ليت البكا يدفع عنا الحوادث وينجينا

ان كنت حي تبي ترجع وان مت مالله مخلينا

طراد: والله ماهمني الترحال ماهمني غير ثنتيني

اخاف تتبدل الاحوال ياترف ماعاد تلقيني

ترفه: لاترتهق عندنا رجال هذا الذي بين زنديني

باكر يجي فارس وخيال ياطراد وتقر به عيني

طراد: اواه ياما كبر امالك وياحر قلبي على مشهور

ياترف فارسك رجالك طفل وعمره ثمان شهور

ترفه: ياطراد مانيب عذالك ولا اقول مخطي ولامعذور

بقول لاينشغل بالك بنشوف عقب الظلام النور

عبدالمحسن الشملاني

06-25-2010, 02:28 AM

اللوحه الثالثه
شمس بدت صفرا عليها سمايل
عجٍ .. تهز الريح ذابل سفرها
تعثرت باطناب سود الذوايل
وتسللت والحزن لاقصى حجرها
وتبينت بين الجذوع النحايل
ويم البيوت الشهب مدت نظرها
كانوا توالي الليل شدوا الرحايل
وشافت هل التوحيد تلوي غترها
تلطموا عن عجها والقوايل
والا عن هموم السنين وقهرها
ركبوا وعاجوا ارقاب حيل اصايل
للشرق .. وكل اوطانهم في ظهرها

عبدالمحسن الشملاني

06-25-2010, 02:29 AM

اللوحه الرابعه
تجرح الليل ونزف ضيه على السور العتيق
والريح حاديها عزف لحن المسافر والطريق
وطيف على المصمك وقف زاد الفجر وجهه بياض
تلمس الطين بشغف مال ولثم خد الرياض
لو كان يمنع ها لفراق دم على كفوفك يراق
سيلت هالوادي وادي حنيفه
خيل مثل دمي شقر وسيوف رهيفه
وقف على المصمك وحيد صامت تهزه عبرته
يودع اطراف الجريد والا معارف مهرته
ناداه صوت من بعيد حول ترى حنا شديد
ولو كان يمنع هالفراق دم على كفوفك يراق
سيلت هالوادي وادي حنيفه
خيل مثل دمي شقر وسيوف رهيفه
وداعة الله يالرياض وداعة الله يالرياض

عبدالمحسن الشملاني

06-25-2010, 02:29 AM

اللوحه الخامسه

شدوا الرحايل وفاضت ركايبهم على بيد
والارض مافيها سكن ومافي الليالي عيد
كانوا السراب حتى السراب له اوطان
وكانوا الغياب حتى الغياب له ازمان
ياطول رحلتهم ويا بعد مسراهم
الناس تهجرهم والوقت ينساهم
شدوا الرحايل للمدى المجروح
بعض السوالف ألم والابتسامة نوح
تناثروا عج وهبوب رياح
حبات لولو كنهم وكن الرمال وشاح
ياطول رحلتهم ويابعد مسراهم
الناس تهجرهم والوقت ينساهم

عبدالمحسن الشملاني

06-25-2010, 02:30 AM

اللوحه السادسه

يوم التفت والقلب ف الدمع سايل
وأسوارها طين يعاتب حجرها

ومن الثرى لامسه الخف قايل
بالله هل الهجن ريضوا بسفرها
شد الرسن واستلحق الحمل شايل
ومش الحزن ودموع عينه زجرها
انا معزي صفوة اولاد وايل
نسل الرجال اللي كثيف فخرها
كيف الرياض امست قبور ونثايل
وعلوم من راحت وراحو بثرها
ان قاله الله يعتدل كل مايل
وبد الليالي السود يظهر قمرها

اللوحه السابعه

عود الثمام ذابل
ومتعرج ظله على الحصا والرمل
وتحت سيقانه سيل مضى وأمحل
وبيت هجره النمل
لطيورها كانت ملاعب اطرافها العيدان
جاها السموم اللاهب وحرق الجنحان
القلب ينضح بالوله والربع خالي
وأوطان مرت في العمر والا ليالي
ما للصحاري فتون
ان غابت اثار الظبا عن ها العروق
والناقة المزيون
في عيونها جمر خبا وسنامها محروق
عود الثمام عودي جف وبراه الشوق
ربي يا معبودي تجعل ظلامي بروق
القلب ينضح بالوله والربع خالي
وأوطان مرت في العمر والا ليالي

عبدالمحسن الشملاني

06-25-2010, 02:30 AM

اللوحة الثامنة
تغربوا ف امواج بيد وقابيل
سفينة ضاعت بلجة بحرها
شربوا هماج الما وشربوا الثمايل
وشافوا جفا الايام وذاقوا كدرها
تصبر المجروح والجرح صايل
وزرع الاماني قام ييبس خضرها
لاهوب لا داله ولا هوب طايل
قوم رحل عنها وقوم نحرها
يا دار مامنك علوم ورسايل
من ينطح الركبان وياخذ خبرها
يا دار طول الصبر به حصايل
ومن يعشق العليا يوالف وعرها

عبدالمحسن الشملاني

06-25-2010, 02:31 AM

اللوحه التاسعه

ان رفعت الصوت صحت يابعدك
وان قويت سكوت آه,, يابعدك
انت,, والا الموت وما احد بعدك
وين ارضك وين يادوا المجروح
ان فقدتك عين ما فقدتك روح
انت شينك زين ارجع ومسموح
في الجدايل شيب من سبب هجرك
ولو سنين تغيب جيتك عذرك
كيف أببكي عيب كود في صدرك

عبدالمحسن الشملاني

06-25-2010, 02:31 AM

اللوحه العاشرة

اقبل على السيف وجلس يخط في الرمل بعصاه
وخذا من الغربي نفس ريحة زهر نجد ف هواه

في القلب جمر يالرياض ذكرك يشبه
ومحد عرف عشق الرياض الا نشبه
يجيك غصب يالرياض وصادق محبه

كورال:
موج يتكسر في صخر وبحر يذكره ابحر
والغربة خنجر في النحر
صوت:
يا فالق المحار لاتجيب لي دانه
جب للغريب اخبار وش سوت اوطانه
جينا نبي الارزاق وشبنا تعب وفراق
راح العمر وطراد نسيوه خلانه
صوت:
هواجسه مثل الهبوب تسكن لها ساعة وتهيج
ومراكب تبحر جنوب تدوّر كنوز بالخليج
بالحيل كنزي يالرياض صخرك وطينك
وماشوف عزي يالرياض الا فجبينك
قلبي يسارك يالرياض وروحي يمينك

عبدالمحسن الشملاني

06-25-2010, 02:32 AM

اللوحه الحادية عشر

الشمس بين كتوفهم والارض طول سيوفهم
والله كل حروفهم
غزو غنايمهم وطن
ماغيروا الا الزمن
بيض العمايم والوجيه ماهمهم مال وتيه
الفجر تمر يابس في خروجهم
والعز جلد سروجهم
وفي كفوفهم ارسانها احلام
وفي جوفهم نور من الاسلام
غزو غنايمهم وطن
ما غيروا الا الزمن
ان حاربوا لجل الحياة للموت شبوا سراجهم
ولاكبروا لجل الصلاة غطى الجزيرة حجاجهم
غزو غنايمهم وطن
ماغيروا الا الزمن
كورال:
موج تسكر في صخر وبحر يذكره ابحر
والغربة خنجر في النحر
صوت:
صوت النوارس غاب طير ورحل لرضه
وفل الجناح عقاب طير ورحل لرضه
وداعتك ياطير لامن رجعت بخير
جب للغريب تراب من الوطن وارضه

اللوحة الثانية عشر

لابد ان نصلي في القدس ان نصلي
في المسجد القديم
قم وارفع الاذان ياسيدي لعلي
في لحظة التجلي اعود من رميم
اعود في السنابل والقطر والنسيم
اعود بالقوافل للمسجد القديم
يناسب في عروقي نهر من النخيل
يفيض في المآقي حزن على الخليل
لو اننا سمعنا يا سيدي الاذان
لو اننا اجتمعنا ما فرق الزمان
قم وارفع الأذان
ياسيدي افيق من نواح
كالحلم من مخاض الليل والصباح
اعود للرياض من رحلة الجراح
لو اننا اطعنا الرشد والصلاح
لربما زرعنا في شعبها السلاح
قم وارفع الاذان
لابد ان نصلي
في القدس ان نصلي
في المسجد القديم

عبدالمحسن الشملاني

06-25-2010, 02:32 AM

اللوحة الثالثة عشر

ياهيه قم شب العتم بالفتايل والصبح خله من ليالي سهرها
وخل الفشق زاد لغزو فلايل والما الي وردوا موارد خطرها
فوق اربعين ومالهم من مثايل كود الكواكب او غوالي دررها
وحول اربعين وما حسبنا الصمايل والقوم يحسب كثرها من ظفرها
تحزموا بالله على كل عايل ركبوا وحطوا سهيل بيسر ظهرها
وشقوا الريادي والليالي حبايل للموت والعدوان زايد حذرها
كريم يابرق السيوف الصقايل في العارض غيومك تحدر مطرها
غطى على المصمك عجاج المخايل من قبل ماترمي الصواعق شررها
هذا ربيع يودع الهم زايل انهل وبله في الرياض وغمرها
مرقاب اخو نوره عطيب الفعايل الصيرمي عقبان نجد صقرها
لامن شهر يصبح هداده هوايل ولا من عفا داوا العظام وجبرها

اللوحة الرابعة عشر
الكورال:
أشباح,,
اجسادهم ارواح
مروا مرور رماح,, من بين البساتين
اطيوف
مدري شعاع سيوف
والا الفجر مخطوف,, من جفن المعادين
وقفوا على الاسوار خذوا من الاعمار اللي يكفيهم
واللي يرد ويكمل المشوار ويحقق امانيهم
كورال:
ادروب
ظلما ووجف قلوب
وفي الموعد المطلوب,, تجمعوا الغياب
انفاس,,
وصمت همس لاباس
في المصمك الحراس,, مافتحوا الابواب
المغني,,
صرخة صداها رعود
وقام اتبعه فهود وصلوا اعاديهم
من خوخة البارود
الحكم لابن سعود ثارت عزاويهم
الرمح يقذفه عبدالله بن جلوي ويستقر في باب المصمك
كورال:
شلفاه,,
لا والله بيمناه,,
هد الحصن واخطاه,, يوم انثني مذعور
والليث,,
محمد دخل من حيث
شاف المنايا غيث,, جاب الامل والنور
المغني:
ها الاربعين رجال والا صخور جبال
مااكبر هقاويهم
اوحظ ها الاجيال خلى سراب الآل
نهر بأياديهم

عبدالمحسن الشملاني

06-25-2010, 02:33 AM

اللوحة الخامسة عشر

يوم ارتوت بالطل شقر الجدايل واصابع للغرس تمشط شعرها
تنفست ريح الزهر في الخمايل وفكت ازارير الدجى عن نحرها
وتبينت شمس السنين الاوايل على العروس اللي عزيز خفرها
من غير ابو تركي كريم الخصايل يملى محانيها ويدفع مهرها
هذي الرياض اللي بروس الطوايل تركز بيارقها ويضحك ثغرها

اللوحة السادسة عشر

قرن مضى بلادي اذ تهطل السنين
كالغيث في البوادي ويعشب الحنين
للأمس للرجال لنخلة .. وطين
تزهو بها الليالي
قرن مضى وانتي عزيزة كريمة
في المجد والمعالي جديدة قديمة
عظيمة بلادي في روحها عظيمة
دنيا لها ودين
تزهو بها الليالي
اميرتي وعمري ومجدي العريق
جزيرتي وبحري وبيتي العتيق
نحن كمن عهدتي دوما على الطريق
كالغر الاولين
تزهو بها الليالي
التبر في ثراكِ والخير والنماء
يا جنة الصحاري وغيمة الرخاء
للفهد في ضلوعي عرش من الولاء
تاج على الجبين
تزهو به الليالي
من أطهرالبطاحي وأكرم الجبال
لا ينتهي صباحي لا اعدم الظلال
عبدالله المفدى القائد المثال
ولينا الامين
تزهو به الليالي

لله في بلادي بيت وفي القلوب
والحب في بلادي كالشمس كالهبوب
سلطان والايادي نبع من الطيوب
لا ينضب المعين
تزهو به الليالي ..

عبدالمحسن الشملاني

06-25-2010, 02:33 AM

http://www.elbader.net/bpoems/newimage/head_bader_poems.jpg

عبدالمحسن الشملاني

06-25-2010, 02:34 AM

مري علي

مري علي قبل الرحيل .. مري علي
مثل الوفا .. مثل الجميل ..
مري علي .. ابكي حياتي وارحلي ..
مري علي .. من بعد شوفك ما عليّ ..
مري لو الفرقا قهر .. قولي قدر ..
يمكن زماني اللي بك غدا .. ظنك غدر
عذر العيون السود .. دمعه ما تفيد
تمحي الظلام وتجود يا امل الغريق
مري علي .. ابكي حياتي وارحلي ..
مري علي .. من بعد شوفك ما عليّ ..
وش فيل الجفا غير الجفا
غير الوفا لك والحنين ..
كان الامل انك تجين ..
وتسألين..
الله يعين الصابرين .. الله يعين ..

نبض الحب

كل حبٍ .. تغير وانمحى
مـن حـنـايـاك يالـقــلـب الـقــديـم
كود نبض على وضحى صحى
أول العمر يوم اني فطيم
لامني الشيب .. وابعدني السحى
لا ارتمى فوق هالصدر الرحيم
أعشق الوضح لاجلك والضحى
وضوح برق الوسامى في العتيم
اقبل الصبح والليل انتحى
ابشري بالفرج والله كريم

عبدالمحسن الشملاني

06-25-2010, 02:35 AM

المسافر

لا تلوح للمسافر ..
المسافر راح ..
ولا تنادي للمسافر
المسافر راح ..
يا ضياع أصواتنا .. في المدى والريح
القطار وفاتنا ..
والمسافر راح ..

يالله يا قلبي تعبنا من الوقوف ..
ما بقى بالليل نجمة ولا طيوف ..
ذبلت أنوار الشوارع .. وإنطفى ضيّ الحروف
يالله يا قلبي سرينا .. ضاقت الدنيا علينا
القطار وفاتنا ..
والمسافر راح ..

مادري باكر هالمدينة وشتكون ..
النهار والورد الأصفر والغصون ..
هذا وجهك يالمسافر لما كانت لي عيون ..
وينها عيوني حبيبي ..
سافرت مثلك حبيبي ..
القطار وفاتنا ..
والمسافر راح ..

المرايا

المرايا.. وجهي اللي تمليت
آه يا وجه المرايا ..
انت انا .. والا سوايا ..
محدٍ خذا وجهي
لبسوني قناع ..
وانت .. لا تسال .. ولا ترتاع ..
كدر حصاهم صفحة الما ..
لا ياصلون القاع
أعرف أنا نفسي
بس ودي تقول .. من أنا
إلى متى صمتك يطول .. مين أنا
كلٍ يسميني بإسم .. ما هو اسمي ..
وانته تناظر .. تبتسم ..
آه .. يا وجه المرايا ..
لا انت أنا .. ولا إنته سوايا
هذا وجهي يالمراة .. ورده وصارت حصاة
قمت أقلبها بنظر .. وآه يا كثر الحصى
ذا حجر .. وذا حجر ..
وينك إنتي يالصور ..
ذكرىوجهي اللي فات .. وجهي الباقي
اللي في أعماقي .. وجهٍ عرفته غير ..
آه .. يا وجه المرايا ..
إنتي أنا .. وأحدٍ سوايا ..

عبدالمحسن الشملاني

06-25-2010, 02:36 AM

ناقش الحنا

ناقش الحنا على الكف الحزين ..
ناثرٍ شعره على شمس الجبين
والعيون السود ذبح العاشقين
انا دخيل الله .. وانا الجريح والله
لا تناظرني بجفا لا .. لا
يا حسين الوصف .. وش ذنب القلوب ..
ما تعرف العطف يالقاسي اللعوب
علّ ماجا منك تكفير الذنوب
انا دخيل الله .. وانا الجريح والله
لا تناظرني بجفا لا .. لا
زاهيٍ بالورد .. خدك يافتون
والعطر دمي .. من رماح العيون
احترق قلبي مثل عود الدخون
انا دخيل الله .. وانا الجريح والله
لا تناظرني بجفا لا .. لا

مزهريه

لاإانتي وردة .. ولا قلبي مزهرية من خزف
صدفه وحده جمعتنّا .. شوفي وشلون الصدف
التقينا في مدينه .. وفرقتنا الف ميناء
اغفري للريح .. والموج .. والسفينة
كانت الرحلة حزينة .. للاسف
كنت أحلم لما ناديتك بسافر
مع عيونك في شعاع الفجر باكر
والله اعلم إني صادق
كنت أحلم إني عاشق
لاأخاف ولا أضيع .. ولاأفارق
ويش اقول غير إني آسف ويش اقول
انا خانتني العواصف والفصول
آه .. ياتعب المسافر
في أراضي الجرح و في بحر المحاجر
مالهذا الحزن آخر .. او لهذا الجرح آخر
ياشمسي الأخيرة .. في اللحظة الأخيرة
أنا .. لي كلمة أخيرة
إغفري لي إبتسامي .. قبل جرحي
حاولي تنسي كلامي .. قبل صمتي
ولو زعلتي .. ياأعز الناس إنتي

عبدالمحسن الشملاني

06-25-2010, 02:36 AM

لا من غديتي شمس

لامن غديتي شمس .. وشلون اعذلك
لابد مايظهر مع طلتك نور
ماالومهم لو لدت عيونهم لك
من ناظرك ياربة الحسن معذور
تلطفي وان كحل التيه نجلك
وتواضعي لوبك غدى الحسن مغرور
أغار لو بالزين قد ذكر مثلك
وأغار لو غيري سبقني لك شعور
لاصار لي قلبك .. وروحك .. ووصلك
لاقافلٍ بابٍ .. ولا بانيٍٍ سور

كفاك غرور

صحيح ان السحاب انتي ..
واعشاب الربيع انتي ..
وأجمل من على هذا التراب .. انتي
وفـ عز الليل لو بنتي يطير الصبح ..
من كف الربى عصفور ..
ولكن الليالي تدور ..
كفاك .. غرور
سقاني صوتك البارح .. مرار الحزن والترحال
صحيح ان البحر مالح .. ولكن العطش قتال
سألتك يا ظماي .. أمطار
سألتك عن هواي .. أخبار
سألتك كلمتين أعذار .. ولكن ما تعذرتي ..
وحقك لو تكبرتي ..
صحيح ان السحاب انتي ..
واعشاب الربيع انتي ..
وأجمل من على هذا التراب انتي ..
انا جرح .. وحنين وهمس
وقلبٍ ينبض بصدري ..
ولا ادري من حبيبي .. الشمس
ولا ودي بعد ادري ..
يكفيني دفى انسان ..
يشاركني فرح واحزان ..
ونورك فـ السما لو بان .. أشوفه مثل كل الناس
وأحسه .. مثل كل الناس
وصحيح ان السحاب انتي ..
واعشاب الربيع انتي ..
وأجمل من على هذا التراب انتي ..
وفـ عز الليل لو بنتي .. يطير الصبح ..
من كف الربى عصفور ..
ولكن الليالي تدور كفاك .. غرور

عبدالمحسن الشملاني

06-25-2010, 02:38 AM

الظما عشق

كل ما حث الخطى .. ينبت
الطلح في عيوني
تبني الرمال رمال
كل ما حث الخطى .. يولد
من رحم السراب جبال
أثر الظما عشق
وردت يا بير السما
الشمس دلوي والشعاع حبال
أثر الظما عشق
يا ربعي الخالي
وأثر الأماني جمال
ترعى عشب بالي
والشمس ترس نحاس
وأثر الشعاع نصال
وراعي الهوى خيال
يفكها من الياس
واحث الخطى .. ينبت
الطلح في عيوني
تبني الرمال رمال
يكبر الطلح في عيوني
ويغيب ..
يسيل من تحت القدم
رغم الجفاف .. شعيب
اقطع تجاعيد السهال
بسيف الظلال ..
ويشرق سواد بيوتكم
في ( مرو ) التلال
وغيم الخريف
البرق له وميض .. ورفيف
يشرب الطلح في عيوني
وتسقي الرمال رمال

الله يعطيكم العافيه
وللبدر بقيه واللي حاب يضيف شي حياه الله