أثر المصآيب مآتجيك الا من النآس القرآب..!!!

[عبدالعزيزالمشرف]

السلام عليكم ورحــمة الله وبركاته







صبااح//مسااء الخـير .. على الجميـع الأعضاء ..






محــور الموضوع بشكــل عــآمـ




{ أثـر المصـايب ما تجيك الا من النــاس القرآب }


مقـولة الشـاعر المتـألق :



حــــامد زيـــد






اللي اريــده منك اخوي \\ اختي المطل ع الموضوع ـ..

رآيكـــم ف المقــولـــة
شو رايكمـ ..

هل هي بالفعــل صحيحــة...؟

منــاسبة للزمــن اللي نحن نعيش فيه ـ..؟



واكيــد كل ما في خــاطركم نحن نتشرف فيه


واذا كنتـــو ا ممن وآجهـــوا هذا الموقف..يمعنى آخـر حصلت لك مشكلـة كان سببهـا انسان قريب منك و غالي عليك

**يعني مثلا لو في شخص قريب منك غلطـ عليك و سـبب لك مشاكُـل وتأسٍف عقب .. و تعدلت شوي الاحــوال عقبها وقبلت عذره.. بس بعدين رد يغلط عليك مرة ثـــــانية ويسبب لك مشاكل وانت تسمحله على انها اخر مرة بس هو يكرر نفس الاحواال يعني يجــرح ويغلطــ ويســـوي الي يبييه .. وبعدين يعتذر وتتكررت وياه هالاحوال فتعبت نفـــسيا من هالاشيااء او سببلك مشااكل اجتماعية .. وصاارت بينك وبينه مشااكل واااااجد فاختلت اشيااء ..
وهالشخص مسبب لك حرج مع باقي النااس بسبب تصرفاته.. المش مقبوله..

* مثآل ثاني قريب لك يحاول يشوه سمعتك فينقل أخبارك وأسرارك ويطلعها للناس شغلته بس فالحياة نشر غسيلك و طبعا يزيد عليها بهارات ووالخ ويطلع قدامك برئ كبراءة الذيب من دم يوسف وش يكون موقفك معاه ؟!


* قريب لك يتقرب منك لأجل مصلحه وأول مايخأذها تفقده أتصاله وجياته وووالخ بس يحتاج شي تلاقيه محضر عندك أربع وعشرين ساعه ومكالمات وووالخ وش يكون ردة فعلك ؟!

*قريب سمعته بالأرض يسجل معك بالمنتدى ويسوي المصايب ومضطر تسكت لأنه قريبك ماتقدر تقول شي واكيد اللي يمسه يمسك لكن يتمادى بكل شي ولاتقدر تسكت ع اللي يسويه وش يكون موقفك معاه؟؟!

*قريب لك معك فالعمل بدال مايكون بصفك يصير بصف اعدائك عليك وش يكون موقفك معاه؟!

*قريب لك يغار منك بدال مايفتخر بنجاحك تلاقيه أكثر أنسان ينتقدك ويحاول ينتقص من قدرك وش يكون موقفك معاه؟؟؟!!

*قريب لك مايسلم عليك فالمناسبات الكبيرة ولا كأنه يشوفك حتى يتجاهل وجودك ولو جات عينك بعينه يعمل روحه ماشافك ويتلفت يمين ويسار واذا تنازلت ورحت وسلمت عليه يسلم بدون نفس ويتركك فمانك ويتظاهر انه مشغول لاجل يطلع منها بالله وش يكون موقفك معاه ؟؟!!!

*قريب منك شغلته فالحياه الغيبة والنميمه تعبت وانت تنصحه تعبت من اسلوبه وتعامله وبالآخر تطلع رغم حبك له وحرصك انسان حاقد وحاسد وش يكون موقفك معاه ؟؟!

* قريب منك تتمنى مساعدته بأمر ما ويوم تجي تقرب تجااهه يقول أخلص وش تبي جيتك هذي مو لله ؟ وش يكون موقفك معاه ؟!

* قريب يتهمك بأنك سبب تعاسته فالحياه وانك سبب للمشاكل بينه وبين اسرته ووالخ وش يكون موقفك معاه ؟؟!

وووووووووووو

الخ

الأمثله كثيرة وأعتقد مريتوا باأكثر من كذاhttp://www.bnatalqsim.com/vb/images/smilies/up2.gif

لكن أسئلتي

/

* شو بتكـــون ردة فعلك ــ..؟

* وهـل هالشي بيكون شي مقبــول...؟

* هل بتقبل هالشي ؟ وبتسمحله ؟

* هل بتسمح له يأثر على علاقاتك الاجتماعية الاخرى ؟

* هل بتسمح له يأثر عليك ويتعبك نفسيا واجتماعيا ؟


وفالنهايه أعتقد قالها حامد/





ودك اليا من جاتك الغلطه من الناس القراب
الصاحب الي ماكسبت محبته ماتخسره
/


بنتظار آرائكم و وجهات نظركم

[خالد]

سبحان الله كنت بقول بيت الشعر اللي قاله حامد زيد ولقيته جواب في نهايه الموضوع

ودك اليا من جاتك الغلطه من الناس القراب

الصاحب الي ماكسبت محبته ماتخسره

هذه هو الحل الاكيد والنافع لكل مشاكل الاقارب

يعني علاقات رسميه وفي المناسبات فقط واعامله كن مافيه شي ابد
ولا حتى اعاتبه لان ابو طبيع مايجوز عن طبعه

واللي مايحبك لايمكن تتغير مشاعره ابد مهما عملت له من جمايل او تعامل طيب ومهما حاولنا ارضاء مثل هالنوعيات لن يرضو عنا

لان اصحاب المواقف السئية قلوبهم مريضه ولن تشفى من داء الحقد

والحسد والغيره بسبب ضعف وازعهم الديني

فألافضل اني ابتعد بكل هدوء وتعامل معهم تعامل رسمي نوعا ما ان فيه مناسبه فرح اهنيهم وان فيه ترح الله لايقول اقوم بالواجب معهم
واكسب راحة اعصابي وانسى تماما انهم يتعمدون يضايقوني لاني بصراحه ماشوفهم اصلا وبما انهم مايعنون لي شي فألافضل اوفر مشاعري للناس اللي احبهم ويحبوني والعتاب والحزن للي يستاهله فقط
ولك الف تحيه مراقبنا العام المميز عبدالعزيز

[عبدالعزيزالمشرف]

خالد وربي كفية ووفيت
وكلاك درر
واتفق معك في كل كلمه
كل الشكر لك

[عز الخوي]

مشكور اخوي العزيز موضوع مهمة بالنسبة للمشاكل التي تحدث بين الاقارب والحل الوحيد هو التسامح .
قال الشاعر عيد بن مربح الرشيدي
ابعد اليذاك الرفيق بنفاقه () وشلون لو ما الله جعل بعد وافراق

تقبل تحياتي والله لا يجيب الساعة التي تحدث بها مشاكل بين الاقارب .

[عبدالله الشملاني]

بهالزمن هذا ماينفع الا جتماع وقت المناسبات وتكون العلاقات بحدود مع هالنوعيه من الاقارب

اللي مايبيك مايبيك واللي مرتصد لك يبيقى طول العمر مترصد لك ولاينفع الطيب الا مع الطيب

مشكورعبدالعزيز

[منصورالشملاني]

مشكور على الموضوع الطيب ياخي الطعنه ماتجيك الا من القريب والتسامح مطلوب لكن البعد اطيب والمؤمن مايلدغ من جحر مرتين

[عبدالعزيزالمشرف]

الف شكر للجميع
منورين المتصفح

[ماجد]

الاقارب عقارب والشكوى لله لكن التعامل الطيب مطلوب واللي يكثر من طعنك ابتعد عنه افضل

والبعد راحه للجميع ويكون التواصل في المناسبات
مشكور عبدالعزيز

[!!! رمـاد الـشوق !!!]

والله بهزمن تخاف من اقاربكـ اللي هم سندك
ولا اطول بالحكي من بعد اخواني عز الخوي وعبدلله الشملاني والباقين
الافضل دائما انك تحفظ نفسك وتخاف من قريبك قبل عدوكـ

يارب تحفظ الايادي ع الموضوع ودمت

[عبدالعزيزالمشرف]

الاقارب عقارب والشكوى لله لكن التعامل الطيب مطلوب واللي يكثر من طعنك ابتعد عنه افضل

والبعد راحه للجميع ويكون التواصل في المناسبات
مشكور عبدالعزيز
الله يعافيك منووووووور

[عبدالعزيزالمشرف]

والله بهزمن تخاف من اقاربكـ اللي هم سندك
ولا اطول بالحكي من بعد اخواني عز الخوي وعبدلله الشملاني والباقين
الافضل دائما انك تحفظ نفسك وتخاف من قريبك قبل عدوكـ

يارب تحفظ الايادي ع الموضوع ودمت

الله يسعدك ياااااارب منوره متصفحي