محسن علي الدعيجي
09-21-2010, 12:59 AM
وأنا أقلب دفتر الذكريات وجدت خالي عراك بن مطر الزقرت الشملاني رحمه الله بين أوراقي وتذكرت نبله رحمه الله وخوفه على ربعه وجماعته من التشتت والضياع وأيضا تذكرت مساجلات بيني وبينه وقصيدة رثائية كتبتها عند وفاته رحمه الله كان لأبناء زيد بن جبر بن محمد الجامع والكبير والعطوف والمتسامح وكان همه الدائم أن لاتفترق جماعته رحمك الله يا أبو منصور وإليكم رثائيتي به:
الصرخة اللي بين الأعماق دوت = من هولها تهتز صم الجبالي
وذيك الوجيه اللي قبالي تلوت = مالومها بفراق راس الرجالي
ياكن كبدي فوق جمرٍ تشوت = يصلى معاليق الحشا جمر صالي
والدمعة اللي فوق الأوجان كوت = من حقها تنزل على موت خالي
عراك أبو منصور للطيب صوت = من دون وجهه ما شقا بالريالي
كم زلتن لجل القريبين فوت = كامل ولله الكريم الكمالي
يمناه في سوق الرجاجيل سوت = يقدم ليا هاب الردي مايبالي
ليت الليالي بأخو عركة تروت = لاشك حكم الله عظيم الجلالي
وكم قالتن لاقام فيها إحلوت = وتبدلت فيها الصعايب سهالي
مؤمن وروحه بالعباده تقوت = ومجلاسه اللي يجلسه بالعلالي
صفحة حياته في كتابه تطوت = وعسى البقا في روسكم ياخوالي
ويالله ترحم روحه اللي اعلوت = الطاهرة ماساقها للخمالي
وجعل المزون الغر يومٍ تنوت = تنثر مطرها فوق قبره ليالي
الصرخة اللي بين الأعماق دوت = من هولها تهتز صم الجبالي
وذيك الوجيه اللي قبالي تلوت = مالومها بفراق راس الرجالي
ياكن كبدي فوق جمرٍ تشوت = يصلى معاليق الحشا جمر صالي
والدمعة اللي فوق الأوجان كوت = من حقها تنزل على موت خالي
عراك أبو منصور للطيب صوت = من دون وجهه ما شقا بالريالي
كم زلتن لجل القريبين فوت = كامل ولله الكريم الكمالي
يمناه في سوق الرجاجيل سوت = يقدم ليا هاب الردي مايبالي
ليت الليالي بأخو عركة تروت = لاشك حكم الله عظيم الجلالي
وكم قالتن لاقام فيها إحلوت = وتبدلت فيها الصعايب سهالي
مؤمن وروحه بالعباده تقوت = ومجلاسه اللي يجلسه بالعلالي
صفحة حياته في كتابه تطوت = وعسى البقا في روسكم ياخوالي
ويالله ترحم روحه اللي اعلوت = الطاهرة ماساقها للخمالي
وجعل المزون الغر يومٍ تنوت = تنثر مطرها فوق قبره ليالي