مساجلات بيني وبين الهاتف

[فرحان المدحل]

مساجلات بيني وبين الهاتف وجهت عليه ابيات ورد علي

أقول :



http://dailyiphoneblog.com/wp-content/uploads/2010/03/iphone-3gs.jpg

افتح جهازي فيه الارقام ميتين ..

......................................كثير لكن بالشدايد قلايل

ياهاتفي كلم تسع ميه اثنين..

....................................وقله يوقف من كلامه رسايل..

ياهاتفي لاتقول صفيت عشرين..

......................................عطها دليت ماعاد فيها دلايل..

العام كنوا لي من الاصحاب تسعين ..

..........................................واليوم داري مابها من يسايل..

وقت الرخا كل الخلايق قريبين..

........................................وقت الشدايد كل ناسي زوايل ..

مسكين ياللي ترجي الناس مسكين ..

...........................................ماتدري ان الناس ترجي البدايل..

ياصار عندك مال ياكثرهم زين..

..........................................ولاصار فقري تشوف شين وهوايل..

انما زهمت الرقم لاحدني الشين..

..........................................وش فايدة تخزين رقمه وشايل..

ياهاتفي ماغير انا وياك باقين..

..........................................وجفوني اللي بالفضاوه جلايل..

يحرم علي لمسح وافضيك الحين..

..........................................ماعدت انا ابحث عن كثير الوسايل..


فارد علي الهاتف يقول :




اهلاً هلا ياللي شكيت المحبين ..

......................................يابو خليف اليوم مامن صمايل..

لوكان لك من صحبة الناس تسعين..

...........................................وقت الرخا وإلا الشدايد قلايل..

وانا صحيبك لانعفس خاطرك شين..

.........................................اشحن وخذ من كلام ورسايل..

اوصل القيفان لو تبغي الصين ..

........................................يوصل كلامك مع جديد الدلايل..

عب الكلام لو ياصل القاف ميتين ..

...........................................الذاكرة تاسع ولاهو بزايل..

وحدد ارقام اللي مع الوقت ناسين..

............................................وعطها اوكيه مستخدمين الوسايل..

واقول من ارسل ترى ماهو بزين..

..........................................يمسح الارقام والوقت مايل..

ويقول كنت احسب لياارسل عجلين..

............................................يلفيني الياضقت والهم شايل..

واللي صفا من كثر الارقام اثنين..

.......................................ماغيرهم يوم احرقتني القوايل..

فرحان لاتشهر ولاتزعل سنين..

............................................خذها نصيحة ياعريب السلايل..

لاتخزن اللي مايكلمك شهرين..

........................................عطها دليت واضمنك تلقا بدايل..

لاصار ماهم الساعة الضيق باقين..

............................................وش فايدة رقم ٍ بليا فعايل



إحترامي : فرحان المدحل

[ابووليدالشملاني]

الله عليك فرحان جدديك جديد

ذكرتني بقصيده الشاعر آحمدبن محمد السديري اللى يقول فيها:-


آنا خويك بالليالي المعاسير=== والاوقت الرخاء كل(ن) يسدبمكاني

صح لسانك فرحان واعتلى شانك دمت لمن تحب

[حمد الشملاني]

صح لسانك .........................مساجلة جميلة

[عبدالله الشملاني]

ابداااع شاعرنا فرحان ولا غرابه

مساجله ممتعه وكلام درر وحكم

بنتظارجديدك

[خالد الشملاني]

صح لسانك يالذيب .. مساجله ولا أروع .. واللي أروع منهم موضوع القصيده ..

وأنت صادق يالذيب ..

لاهنت .. وتقبل مروري ..

[فرحان المدحل]

الله عليك فرحان جدديك جديد

ذكرتني بقصيده الشاعر آحمدبن محمد السديري اللى يقول فيها:-


آنا خويك بالليالي المعاسير=== والاوقت الرخاء كل(ن) يسدبمكاني

صح لسانك فرحان واعتلى شانك دمت لمن تحب













صح بدنك استاذي ابووليد مرورك اسعدني شكرا

[فرحان المدحل]

صح لسانك .........................مساجلة جميلة




صح بدنك حمد ...

[فرحان المدحل]

ابداااع شاعرنا فرحان ولا غرابه

مساجله ممتعه وكلام درر وحكم

بنتظارجديدك




الله حيه ماعليك زود تحياتي لك ...

[فرحان المدحل]

صح لسانك يالذيب .. مساجله ولا أروع .. واللي أروع منهم موضوع القصيده ..

وأنت صادق يالذيب ..

لاهنت .. وتقبل مروري ..



صح بدنك من طيبك اخي خالد مرورك اسعدني تحياتي لك ...

[عز الخوي]

صح لسانك اخوي فرحان المدحل قصيدة رائعة

[فرحان المدحل]

صح لسانك اخوي فرحان المدحل قصيدة رائعة

هلابك اخي الكريم مرورك اسعدني

[ابوعبدالإله المدحل]

ابداع شعري كعادتك والله يوفقك وإلى الأمام

[خالد]

مساجله مؤثرة وحزينه وخاصة عندما نصل الى مرحله التواصل مع الاحباب والاصدقاءفقط عن طريق جهاز لاسلكي ثم ينقطع حتى هذا الاتصال كاااااااااااارثه حقيقيه للعلاقات الأنسانية

فرحان المدحل دمت وادام الله احبابك

[فرحان المدحل]

مساجله مؤثرة وحزينه وخاصة عندما نصل الى مرحله التواصل مع الاحباب والاصدقاءفقط عن طريق جهاز لاسلكي ثم ينقطع حتى هذا الاتصال كاااااااااااارثه حقيقيه للعلاقات الأنسانية

فرحان المدحل دمت وادام الله احبابك



الله يعافيك اخي العزيز خالد مرور مميز شكرا