ماهو بكيفك

[فرحان المدحل]

ماهو بكيفك


ماهو بكيفك تواصلني وتقطعني
اما غلا بين او فضها سيره

ياشين لاجيت تقطع لاتوادعني
ليتك تحس الوداع شلون تأثيره

ياماخذ الحب قل فيني وسمعني
حب على كبر صعب ابدل بغيره

أبحتفظ فيك وادري مانت نافعني
يمكن مع الوقت اقول محبتك خيره

والله تدري وش اللي معك دافعني
اني معاك انت امارس آخر الغيره

واحب فيك البرود اللي يقاطعني
لو ماتكلمت صمتك صعب تفسيره

ياللي عليك البشر شفها تقاطعني
منين ماوجه الهقوات لك سيره

ياشينها من الخوي قول اتركه طعني
ماغير شره ولا انت بشايفن خيره

ياشينها منك لاجيتك توزعني
في عذرك اللي على هالظرف تجييره

شف كبر صبر البشر ماعاد ياسعني
واكبر هموم العباد اشوفها صغيره


وش جاك مني خطا يومك تبيعني
في سوق ذقها عليك اسوقها جيره

القلب هانت علشانك مشاويره

يامشغل القلب بين تحبني و يعني
شفني عليك احترق ياسيدي حيره

مرات اقول اتركك لاشك يمنعني
شي يقول أعذره واقبل معاذيره

قلت احتفظ فيك وادري مانت نافعني
يمكن مع الوقت اقول محبتك خيره

[برستــيج شملانيه]

صح لسانك وعلا شانك اخوي فرحان

[تركي الناصر]

ابيات مؤثره ومن الحب ماقتل

صح لسانك اخوي الشاعر فرحان

[عبدالمحسن الشملاني]

صح لسآنك آخوي فرحآن وآعتلآ شآنك
آبيآت قويه الصرآحه
آلله يعطيك العآفيه

[عبدالله الشملاني]

الله يعين على الحب وعذاب الحب

الحمد لله اني مااحب دامها كذا ههههه

مشكووور فرحان على الابيات الجميله

[منصورالشملاني]

ويلااااااااااه من الحب

ياخي ابيات قويه وتدل على حب قووي
ربك يعين المحبين
سلم قلبك على النقل

[فرحان المدحل]

للمعلومة القصيدة مهي لي ترى بس حبيت انقلها

للشاعر حمد السعيد شكرا للجميع